Ukemi wedi

Ukem

UKEMI WEDI

Ulongoelo wa Ukemi Wedi Ukemi wedi ni kitabu kikulonga mbuli za lukunde lwa mgosi na mvele kwa Waizilaeli. Kitabu iki chadahika chawandikagwa ni want'hu wengi we hengi. Mwo ulosi we Kiyahudi ziyuko mbuli enga 'ukemi wedi' hegu 'seuta ywa maseuta' ikanda ni enga kugamba, ukemi utunyiswe mwo ukemi wose', hegu 'seuta mkulu mwa maseuta wose.' Kitabu chakonga kwa kumtambula seuta Selemani. Ukemi wedi 1:1, Mna ino hiyo kugamba yehe niye akiwandikaga. Yadahika kugamba kitabu iki chawandikagwa ni mnt'hu mtuhu akataila kuika lukumbusa lwa seuta Selemani. Wamanyi we zimbuli ze kibibilia hawamanyize kugamba kitabu icho chawandikagwa ini. Mna vadahika kugamba kitabu iki chawandikagwa mwe miyaka ya 970 na 931 umwo Kilisito andaga akei kwelekwa, mna niyo chombokelwa vedi mwe miyaka mituhu kulongole. Ukemi wedi ni kitabu kimemile nt'hogola za lukunde mwa mgosi na mvele. Mwe kitabu iki chose chasimuila mbuli za mgosi na mvele ivo wakukeunga. Kwa lupisi lwi hengi mndani mwe simulizi ino wambuya wo mbwanga na wadya wo mwana kike walangiliza hamwenga ne mila ya lukunde ikugendeela. Ukemi 1:8. Wamanyi wengi wazumilana kugamba kikulu mwe simulizi ye kitabu iki imwo mnango wa 8 no msafa wa 5 kubula msafa wa 7. Mwe misafa iyo mvele agamba lukunde luna udahi enga file. Lukunde ni kint'hu kina ludole lutendese chakiiva kwa kundani mwo moyo, hukudaha kudikindila ivo kikuunga. Vadahika nivo vikuleka akakanya nk'hanana nt'hatu kugamba want'hu wasekwimula lukunde umwo lupisi lwakwe lukei kubula, Ukemi wedi 2:7; 3:5; 8:4.

Yemndani kwa ugihi

Zina dye kitabu, di mwe mnango 1:1 .

Ukemi wa nk'hongo mnango 1:2 kubula 2:7.

Ukemi wa kaidi mnango 2:8 kubula 3:5.

Ukemi wa katatu, mnango wa 3:6 kubula 5:1.

Ukemi wa kane, mnango 5:2 na 6:3.

Ukemi wa shano, mnango 6:4 na 8:4.

Uheelo wo ukemi uno wo Umbwiya mwo mnango 8:5 kubula 8:14.