Filemoni

BALUWA YA PAULO KWA

FILEMONI

ULONGOELO

Baluwa ino ingihi ya Filemoni yawandikagwa ni mwigala ulosi Paulo 1:1. Paulo andaga kwe divugailo umwo andaga akaiwandika, nuko kugamba vadahika aiwandikaga akanda Loma. Uneva nakanda Loma vanda ibaluwa ino neiwandikwa kwe myaka milongo mtandatu na umwenga yomboke aho Yesu eze elekwe, nu lupisi uulo awawandikilaga Wakolosai.

Baluwa ino amuwandikilaga mnt'hu yumwenga akwitangwa Filemoni, Filemoni andaga ni yumwenga mwe difyo dya wahuwila wa Kilisito naho andaga na mtumwa ywakwe Onesimo. Paulo amuwandikilaga akamgamba asekumsulumiza mtumwa ywakwe Onesimo uyo amnyilikaga. Kwe sigilizi ye Kiloma Filemoni naakazumilwa kumkoma Onesimo. Paulo ombokelaga milosi ya kumgela Moyo Filemoni amhokele Onesimo enga nduguye ywa Kikilisito hamwenga na kufanyanya kugamba Onesimo alekelwe kudamanya ndima hameso ha Paulo 1:13-14.

Yemndani

Mwo mnango wa 1:1-3, Paulo amlamsa Filemoni.

Mwo mnango wa 1:4-21, Paulo amlombezela Onesimo kugamba Filemoni amhokele enga nduguye ywa Kikilisito.

Mwo mnango wa 1:22-25, Paulo abindiliza kwa kulonga ivo naakaungisa kuwatalamkila no kuwegaila ndamsa.