Nehemia

Kitabu cha Nehemia

Neh

ULONGOELO

Ivitabu va Ezila na Nehemia vasimuila ivo Waizilaeli walekelwagwa kuuya Yelusalemu aho weze wande watahigwe na kwigalwa Uwajemi na Babeli. Nehemia alongesa mwe ivo luzengigwe uhya lukazi luzunguluke Yelusalemu. Wahinizi wengi wahuwila kugamba Ezila niye awandikaga na kuvidunganya simulizi ze vitabu ve Misimo ywa nk'hongo na ywa kaidi hamwenga ne vitabu va Ezila na Nehemia. Uneva handaga ni Ezila awandikaga yaoneka kugamba kwandaga mnt'hu mtuhu aviwandike ivi vitabu. Ikitabu cha Nehemia yadahaika nekilunganywa mwe mihilimo ya magana mane na milongo mitatu aho Kilisito andaga akei kwelekwa. Nehemia andaga niye mndima ywo kumwigaila vo kunywa Atashasta, uyo seuta ywa Uwajemi. Nehemia amlombezaga amlekele auye Yelusalemu akambize kuzenga uhya lukazi lwo mzi wa Yelusalemu. Seuta Atashasta amlekelaga Nehemia atende ivo, naho akajika amsagulaga Nehemia ande kilongozi ywa Uyahudi ne isi zikuzunguluka Yelusalemu. Mnango wa shano msitali wa mlongo na kane. Hata ivo want'hu wamwenga wagezaga kumhiga Nehemia ase kuzenga uhya lukazi lwa Yelusalemu, mna indima iyo yasilaga kwa mazuwa milongo mishano na maidi kwa wambizi wa Mnungu. Naho Ezila amwambizaga Nehemia kuwalongoza want'hu wa Izilaeli kudamanya uhya ndagano na Mnungu. Yemndani mwe kitabu cha Nehemia: 1 Nehemia auyaga Yelusalemu no kulongoza indima yo kuuzenga uhya lukazi lwa Yelusalemu. Mnango wa nk'hongo mpaka wa mtandatu 2 Waizilaeli wakongaga naho kwikala Yelusalemu na kutimila naho imiko ya Mnungu. Milango ya mfungate na mnango wa mlongo na mitatu,