Walamuzi Walam

Kitabu cha

WALAMUZI

Utambalisi

Kitabu cha Walamuzi chalonga zimbuli za Waizilaeli aho weze wapate uhumi wa nk'hongo we isi ya Kanaani. Ulwo lwandaga ni lupisi lwa kuuiyauiya kusaguka na kukombolwa. Mazua yamwenga Waizilaeli wakongaga kuvika milungu ya mahili. Niyo Mnungu awegaila want'u we si nt'huhu vileke ziwagele mwa makunt'ho. Aho want'hu wamwiiilaga Mnungu valekaga naho Mnungu awenk'he want'hu wetangwagwa Walamuzi vileke wawalongoze want'hu na kuwakombola kulawa mwa makunt'ho ayo.

Kubula ivi haluse, awandike kitabu iki hamanyike. Wakale wengi wahuwila kugamba kitabu iki chawandikwagwa ni mlotezi Samweli, mna vadahika kunda kindedi kugamba kitabu iki chawandikwagwa umwo Waizilaeli wapataga kale seuta ywaywe kwaviya ilagiswa nk'hanana nyingi kugamba Waizilaeli hawandaga na seuta mwo lupisi ulwo. Uneva Waizilaeli walawaga mwo utumwa uko Misili mwo mwaka 1,400 umwo Kilisito andaga akei kwelekwa. Ino yalagisa zimbuli zimwe kitabu iki yalailaga mwo mwaka uwo (Kaula utambalisi mwe kitabu kikwitangwa Kulawa kwa kwongezela ukombaganyi) nuko kugamba vadahika Walamuzi walailaga mwo mwaka 1,300 Kilisito hanati elekwe mpaka 1,050 Kilisito hanati elekwe umwo Sauli andaga seuta:

Ayo yemndani

Kitabu iki chalonga nk'hondo yo uheelo na Wakanaani aho Yoshua eze abanike naho chalonga mbuli yo lupisi Mnungu awenk'haga vilongozi na walamuzi vileke wawalongoze na kuwakombola Waizilaeli milango ya 1-3:6.

Iviyaiviya kitabu iki chalonga mwe mbuli ya walamuzi we hengi awo Munugu awo Mnungu awegale vileke wawaambize 3:7-16:31.

Naho kitabu icho chalonga kusaguka kwingi kwa Waizilaeli 17-21.

Uheelo wakwe chalagisa kugamba Waizilaeli nawakaunga seuta akumwelela Mungu vileke awalongoze kudamanya yakuungwa ha Mnungu kujink'ha kunda na vilongozi wakudamanya yadya wakuyaona kugamba ni kindedi kwa woho wenye.