Habakuki

Kitabu cha Habakuki

Habak

Ulongoelo

Kitabu iki kina ulotezi wa Habakuki. kitabu cha Habakuki ni kitabu ki hengi mwa vitabu va ulotezi, kwaviya hakina ulosi uhingile kwa Izilaeli hegu Yuda. Vituhu vakwe kina malongelezo maidi na malombezo ya Habakuki. Mnungu nae ahitula malongelezo yakwe. Wamanyi wafanyanya kugamba Habakuki ekalaga mwo lupisi lumwenga na Yelemia na mwo ulongozi wa seuta Yosia na seuta Yohakimu. Hiyo kitabu cha Habakuki hegu kitabu kituhu chochose che bibilia kilongile mwo lupisi lwa Habakuki ivo ekale.

2 Habakuki amlabilaga Mnungu kugamba aonaga nk'humbizi na uwihi, mna hahitule malombezo ya Habakuki ya kulombeza wambizi. Yadahika Habakuki aonaga mbuli izi zikadamanyika mwe isi ya Yuda. Mnungu ahitulaga kwa kugamba andaga akawenula Wababeli wawabanange want'hu wa Yuda. Niyo Habakuki alabila kwa Mnungu nakanda akawatendela want'hu waihi kuwasulumiza wadya wandile hiyo waihi. Mnungu ahitulaga kwa kugamba hata awo Wababeli nawasengelwe. Niyo Habakuki amlombeza Mnungu adamanye na kulagisa uwedi. Amtunya Mnungu kwa mbuli zose nk'hulu zidamanyike aho nk'hongo. Yemndani mwe kitabu cha Habakuki 1. Kulabila kwa nk'hongo kwa Habakuki. 2. Chasoma uhituzi wa nk'hongo wa Mnungu. Mwo msafa 1:5-1. 3. yalonga mwo kulabila kwa kaidi kwa Habakuki. Msafa wa 1:12-2: 4. Uhituzi wa kaidi wa Mnungu. Msafa wa 2: 2-20. 5. Yalagisa malombezo ya Habakuki kwa Mnungu. Msafa wa 3