Esita

Kitabu cha

Esita

ULONGOELO

Ulongoelo

Kitabu cha Esita chalonga mbuli za Waizilaeli awo wandaga watahigwa uko Uwajemi ivo wayokolwagwa kulawa kwa mnk'hondo ywawe, uyo andaga atailaga kuwakoma pele. Hamwenga na kugamba zina dya Mnungu haditambulwe mwe kitabu, mna kiyuko ukindedi kugamba Mnungu niye awayokole mwo mzungu uno wo kuwakoma wose. Hahali ammanyize uyo awandike kitabu iki cha Esita. Unakaula uwandishi we kitabu cha Waibulania, wanamp'hina wengi wafanyanya kugamba kitabu iki chawandikwagwa mwo mwaka wa magana mane aho Kilisito andaga akei kwelekwa, B.C.

Mbuli zilaile, izo zilongigwe mwe kitabu cha Esita zalagisa ivo Wayahudi vakongaga zuwa dye kinyemi ne fugo ya Pulimu ivo wakongaga. Mnt'hu yumwenga Muamaleki etangwagwa Hamani aikaga mzungu wa kuwakoma Wayahudi. Waizilaeli na Waamaleki wandaga wank'hondo kukongela aho Waizilaeli wandaga wakagenda kwombokela kwe dijangwa wakaita kwe isi idya Mnungu awalaganaga kuwenk'ha. Kulawa Mnango wa mlongo na mfungate mwo msafa wa mnane mpaka msafa wa mlongo na mtandatu. Mwo lupisi uulo Hamani aikaga mzungu wa kuwakoma pele Wayahudi. Esita uyo Myahudi atendagwa kunda malikia ywa Uwajemi. Akambizwa nu ulangilizi wa nduguye Modekai, Esita adahaga kuusa mzungu wa Hamani wo kuwakoma pele Wayahudi. Aho Wayahudi weze wawahume wank'hondo wawe, (Esita mnango wa kenda msafa wa milongo miidi na miidi) Modekai awagambaga Wayahudi waonele kinyemi uhumi wawe. Ivi nivo vakongaga kunda na zuwa yda kinyemi dya fugo ya Pulimu Yemndani mwe kitabu cha Esita:

1 Ivo Esita ezaga kunda malikia ywa Uwajemi. Mnango wa nk'hongo na wakaidi.

2 Ivo Hamani aikaga mzungu wa kuwakoma pele Wayahudi nae niyo akomigwa kwa kutenda ivo. Mnango wa katatu kubula mnango wa mfungate.

3 Wayahudi wawahumile wank'hondo wawe na kukonga kunda na zuwa dya kinyemi dya Pulimu. Mnango wa mnane kubula mnango wa mlongo.