Zisigilizi

Kitabu che Zisigilizi

Zisig

ULONGOELO

Zisigilizi ni mauiyo ye zisigilizi zimwe vitabu vishano ve ndagano ya kale. Kwa Kiibulania dizina dye Kitabu iki nuko kugamba, “Mbuli.” Yahuilwa kugamba Musa niye awandikaga kitabu iki, mna hawandikaga kitabu chose mpaka uko kukulongwa ukubanika kwakwe. Kitabu chakonga kwa kugamba, “Izi nizo zimbuli Mua awagambilaga Waizilaeli wose.” Fanyanyi ya kugamba Musa niye awandikaga Titabu iki che Zisigiizi yalongwa nk'hanana nyingi mwe Ndagano Imp'hya, enga via mwe Kitabu che Mitendele ya wegala Ulosi mwo mnango wa katatu na msitali wa milongo miidi na miidi, mpaka milongo miidi na mitatu aho Petulo auiyaga Zisigilizi na mwo mnanago wa mnane msitali wa mlongo wa shano mpaka msitali wa mlongo na mnane, naho alongaga kugamba izo zandaga mbuli za Musa. Vadahika kugamba Musa awandikaga vitabu enga via, Kitabu che Zisigilizi, na Kitabu cho Ukulawa na Kitabu cha Mbuli za Walawi ne Kitabu co Uwazilo ivo aviwandikaga mwe miaka alufu na magana matatu hegu alufu na magana mane umwo Umwo Kilisito andaga akei kwelekwa. Kitabu che zisigilizi chawandikwagwa kunda mwiivano wa seuta na Useuta mtuhu, mwiivano uwo wakakimailwa ni uyo seuta enga ivo vandaga aho kale. Uno wandaga ni Mwiivano wa Mnungu na want'hu wa Izilaeli. Mnungu azumilaga kuwavikila want'hu wakwe wa Izilaeli uneva wanatimila imiko yakwe, mna uneva hawanatimile nevinda wasulumizwe. Na iki nicho kikulongwa mwe Kitabu chose. Mna mwe milango ya milongo miidi na mfungate na milongo miidi na mnane aho chalongesa kwa kuwandika ludongo lwa uvikilwa na maligito, naho kwa kuyatambula ayo yadahikaga kulaila kwa waizilaeli kwa kutimila hegu kwa kuleka kutimila Zisigilizi za Mnungu. Mkabila yehengi ya Wazilaeli yakimalaga mwe milima ihengi umwo wandaga yakalava uvikilwa hegu maligito kwa kilayumwenga, naho kwa izwi kulu kwa kulagisa Indagano. Ayo ye mndani 1 Mwo mnango wa kaidi kuita mnango wa katatu, Musa alonga ayo yalailaga umwo Waizilaeli wandaga wakatamba mwe nyika. 2 Kikulongwa mwo mnango wa kane kuita mnango wa milongo miidi na mandatu ni yadya yakuungwa mwa maivano ya Mnungu na want'hu wakwe. 3 Mwo mnango wa milongo miidi na mfungate kuita milongo mitatu, Waizilaeli walonga uvikilwa na maligito naho kwa izwi kulu vikulagisa kugamba Indagano iyo ni ya kindedi. 4 Kwo uheelo, mwe milango ya milongo mitatu na umwenga kuita milongo mitatu na mine, musa alonga mbuli zimwenga zo mzigilizo kwa Yoshua na kwa kila kabila dya Waizilaeli umwo andile akei kubanika.