Danieli

Dani

DANIELI

ULONGOELO

Kitabu iki kikwitangwa kitabu cha Danieli chasimuila wikazi na maona ya mlotezi Danieli umwo Waizilaeli wandaga wakekala watahigwa uko Babeli, na ivo Danieli na weyawe wandaga wahuilwa kwa Mungu. Naho mna kina ulotezi mwe ziisi na si yose. Naho kitabu chalonga mbuli zalailaga lupisi lwa kulawa mwaka 605 mpaka 535 Aho Kilisito andaga akei kwelekwa lupisi Danieli umwo akanda mndima mwo ulongozi wa maseuta wane heweligane uko Babeli. Wamanyi wamwenga wahuwila kugamba Danieli mwenye awandikaga kitabu uko Babeli mwo lupisi ulu, mna wamanyi wengi wa haluse wagamba kitabu iki chawandikwagwa uko Izilaeli mwo lupisi lutuhu kulongole, mwo lupisi lwa kaline ya kaidi, (Umwo Kilisito andaga akei kwelekwa). Watuhu wahuwila kugamba mmwenga mwe kitabu hicho mwawandikwagwa kwa misimo ihengi. Kitabu cha Danieli kiwandikwa vileke Waislaeli awo wandaga wakekala kwo utumwa wande na kawiilo. Kawiilo idi ni hamwenga na kwe vyeleko vikwiza vikuunga vikale mwe misimo midala. Mnungu alagisa ludole lwakwe lwa kuwahiga maseuta na want'hu wa si nt'huhu kwombokela mbuli zilaile mwo wikazi wa Danieli. viligane ne Biblia, kitabu iki chambiza kuukombaganya mbuli za useuta wa Mnungu mwe Ndagano Imp'ya. Enga Masihi ivo alotelwe mwe kitabu cha Danieli mnango wa 7: 13-14. Amaona ya Danieli mwe mbuli ye misimo yo uheelo itambulwe ni Yesu mwe Mbuli Yedi iwandikwe ni Matayo 24:15 na Maliko 13:14 naho yaligana na Ugubulo wa Yohana. Danieli iviyaiviya afanyanya ulotezi wa Yelemia, Danieli mnango wa kenda mwe misafa ya nk'hongo mpaka msafa wa katatu

Ayo yemndani:

Mbuli za Danieli na wambuyaze uko Babeli mwo lupisi lwo ulongozi wa Nebukadineza. Mwo mnango wa nk'hongo kubula wa kane.

Kitabu iki cha Danieli chasimuila utapita mwa maona ya seuta Beliteshaza. mnango wa shano.

Simulizi mwe mbuli ya Danieli kwe dibome dye simba mwo lupisi lwo ulongozi wa seuta Dalio, Mnango wa mtandatu.

Mbuli yo Ugubulo uwo Danieli enk'higwe ni Mnungu ukulonga mbuli zikuunga zilaile, Mnango wa mfungate kubula wa mlongo na kaidi.

Danieli asimuila na kutapita maona maidi kwa mazuwa yakwiza. mnango wa mfungate kubula wa mnane.

Danieli anawalombezela want'hu wakwe naho Gabilieli mtumigwa ywa kwe mbingu amwink'ha uhituzi.

Gabilieli agubula mbuli zikuunga zilaile kulongole hamwenga no lupisi lwo uheelo. Mnango wa mlongo kubula wa mnango wa mlongo na kaidi