Amosi

Kitabu cha Amosi

Amo

Ulongoelo

Kitabu iki chahanganya ulotezi wo ulosi wa Amosi. Amosi andaga mdimi wa ngoto, iviyaiviya andaga mnimi. Niyo Mnungu amwitanga ande mlotezi ywakwe, Amosi andaga akalawa mwo mzi wa Tekoa uwo wandaga nt'hendelo ya kusini wo useuta wa Yuda, mna ulosi wakwe wandaga kwajili ya want'hu wakwikala kasikazini ya Izilaeli. Amosi alongaga ulotezi mwo lupisi Uzia andaga seuta wa Yuda, na Yelobohamu wa kaidi, yandaga mwaka magana mfungate na milongo mishano umwo akanda hanati kwelekwa Kilisito.

Amosi alavaga ulotezi kwa usengelo wa want'hu wa si nyingi Msafa wa kaidi mnango wa nk'hongo, mna ulosi wakwe mkulu nounda kwajili ya want'hu wakwe Izilaeli. Iki chandaga ni lupisi wa kongezekela kwa Izilaeli. Umwo izilaeli wamjalaga Mnungu na kuwadamanyila yaihile want'hu wakiwa, Yemndani mwe kitabu cha Amosi Ivo usengelo wa Mnungu kwa want'hu wawe wandaga ni kwigala want'hu kwo utumwa 2:6, Mna Mnungu alaganaga nawo kugamba naawaambize want'hu wa Izilaeli kuzikump'hukila naho isi izo waziikailaga kale 7:17 9:12. Amosi aketambalisa mwenye mwe misafa mituhu ya nk'hongo na ya kaidi Amosi abwelekeza usengelo mwe isi nyingi 3-9:11 Amosi asimula usengelo wa kugwilwa want'hu wa izilaeli. Mnungu alagana kuwavuza want'hu wamhuwile kuuya Izilaeli, mnungu alaganaga kuwavuza naho Waizilaeli kwe isi yawe msafa wa 9:12-15.