Samweli

Kitabu cha nk'hongo cha Samweli

SAMWELI

ULONGOELO

Aho nk'hongo vitabu va Samweli cha nk'hongo na cha kaidi vandaga ni kitabu kimwenga kikulu chamanyikaga enga, Kitabu cha Samweli. Kitabu iki chapangwagwa haidi mwo utapita we Kigiliki we Ndagano ya Kale. Mwo utapita uno we Kigiliki, Kitabu cha nk'hongo cha Samweli ne kitabu cha kaidi cha Samweli, chetangwagwa, Useuta wa nk'hongo na wa kaidi, naho mwe Bibilia ye Kilatini vetangwagwa Maseuta wa Nk'hongo na wa Kaidi hamwenga ne vitabu va Maseuta, vetengwagwa Maseuta wa katatu na maseuta wa kane. Vitabu va nk'hongo va Samweli, na vitabu va kaidi, vilongesa mwo wikazi wa mlotezi Samweli, seuta Sauli na seuta Daudi. Samweli niye andaga kilongozi azigiile mwo lupisi umwo Waizilaeli wasagukaga kulawa mwo kulongozwa ni walamuzi niyo walongozwa ni maseuta. Naho Samweli awakumbaga mavuta Sauli na Daudi kunda maseuta waidi wa nk'hongo wa Izilaeli. Vitabu va nk'hongo va Samweli na vitabu va kaidi va Samweli vatambalisa Mbuli zomboke za Waizilaeli mwo lupisi ludya. Hehali yeyose ammanyaga uyo awandikaga vitabu ivo. Awandike haketambule mwenye mwe kitabu icho, mna ekalaga mpaka mwo lupisi lwa seuta Daudi, na lupisi lugendeele mpaka aho hawandikwagwa kaidi zimbuli za Sauli na Samweli. Kwajili ye kinyele mwa uyo muwandishi ywe vitabu ivi haimanyike kugamba vawandikwagwa ini.

Yemndani kitabu cha Samweli ywa kaidi 1 Walonga ivo Daudi andaga seuta ywa Yuda na akajika niyo anda Seuta ywa Izilaeli yose. Mnango 1-5 2 Walonga ivo Daudi ekalaga kunda seuta na kuwakoma wank'hondo wakwe wengi. Mnango 6-10 3 Chaona ivo Daudi atendaga uhabwasi na ukomi niyo ativilwa ni mlotezi Natani. Mnango wa 11-12 4 Chawaona awant'hu waidi wasaguke kwa Daudi. Mnango wa 13-20 5 Ihanganya zimbuli zose za Daudi mwo useuta wakwe. Mnango 22-24