Maseuta

Kitabu cha kaidi cha Maseuta

Maseu

ULONGOELO

Kitabu cha nk'hongo na cha kaidi cha Maseuta, aho nk'hongo chandaga kitabu kimwenga kikulu. Bosi vapangagwa na kunda vitabu viidi mwe Bibilia ya Septuaginti, Kitabu icho chandaga nicho cha nk'hongo kujink'ha vose mwe Ndagano ya Kale mwo ulosi we Kigiliki. Haikumanyika kugamba niani awandikaga vitabu va nk'hongo na cha kaidi cha Maseuta, hegu na kuviika vedi enga ivo vili haluse. Muwandisi we vitabu va maseuta mwo kuwandika kwakwe akaulaga mwe zink'humbukila za kale mwo kuviwandika, (kaula mwe Maseuta wa nk'hongo mnango 11:41, 14:19, 14:29 kunda niyo miliganyizo ikulavanya ikindedi icho). Naho haimanyikise kugamba vitabu ivi vawandikwagwa ini hegu kuikwa mwo uwedi wakwe. Ni kindedi kugamba vahezaga aho seuta Yekonia aho eze alekelwe kulawa kwe samo uko Babeli mwo mwaka 561 aho Kilisitoandaga akei kwelekwa, viligane ne kindedi kugamba mbuli ino itambaliswa vedi mwe Kitabu cha Kaidi cha Maseuta 25:27. Wamanyi wengi we zimbuli ze Bibilia wahuila kugamba hant'hu hakulu mwe vitabu ivi hawandikagwa miyaka mingi lupisi ulo.

Yemndani

Uheelo we undima wa Eliya na mwanamp'hina ywakwe Elisha uyo aguhaga hant'hu hakwe. Mnago 1-8:15.

Chasoma maseuta wengi watuhu wa Izilaeli na Yuda hamwenga ne isamo ya waizlaeli. Mnango wa 8:16-17.

Useuta wa Hezekia seuta ywa Yuda na ivo amtimilaga Zumbe Mnungu. Mnago 18-20.

Wikazi wa maseuta wo uheelo wa Yuda na ivo Yuda yahumwagwa na kutahigwa kuita Babeli. Mnango wa 21-25.