1 Timoseo

BALUWA YA NK'HONGO YA PAULO KWA

1 TIMOSEO

ULONGOELO

Baluwa ya nk'hongo ya Timoseo yawandikagwa ni Mwigala Ulosi Paulo kwa mwanamp'hina ywakwe etangagwa Timoseo. Yadahika baluwa ino Paulo aiwandikaga mgati mwo mwaka wa milongo mtandatu na miidi mpaka milongo mtandatu na mine kulawa aho Yesu eze elekwe. Lupisi ulo lwandaga mwa mazuwa yakwe yo uheelo mwe isi. Paulo aivanaga vitendese na Timoseo hata nk'hanana nyingi kamwitanga kunda mwanawe Wafilipi 2:22, 1 Timoseo 1:2 1:18.

Baluwa ino ni imwenga mwe zibaluwa izine za Paulo izo awandike kwa mnt'hu ekedu hant'hu he difyo dya want'hu wamhuwile Kilisito. Baluwa zint'huhu zint'hatu ni Timoseo ya kaidi na Tito na Filemoni. Mwe baluwa ino kuna malagizo ya ivo want'hu wakuungwa kumvika Mnungu 2:1-15, na nt'hogola ze vilongozi wawe 3:1-13 na makanyo mwo kukekaulisa na wahinizi wa lulimi 1:3-11, 4:1-5, 6:2-5. Aya yose yalagisa ivo Paulo amhinize Timoseo kunda kilongozi mwa mafyo yamwenga. Mwe baluwa ino ya Timoseo ya nk'hongo ziyumo sila nyingi zikudaha kuwambiza vilongozi wa mazuwa aya, mwo kuzilongoza zindima zawe mwa mafyo ya wahuwila wa Kilisito wakuyalongoza.

Yemndani

Mwo mnango wa 1:1-2, Paulo akonga kwa kumlamsa Timoseo.

Mwo mnango wa 1:3-11, Paulo amkanya Timoseo akekaulise na wahinizi wa lulimi.

Mwo mnango wa 1:12-19, Paulo agendeela kutambalisa ivo akumtogola Yesu Kilisito.

Mwo mnango wa 2-3, Paulo amwink'ha malagizo Timoseo mwe mbuli yo kuvika ne mbuli ye vilongozi we difyo dya want'hu wamhuwile Kilisito.

Mwo mnango wa 4-5, Paulo abindiliza baluwa kwa kumwink'ha Timoseo malagizo yo uheelo.