Samweli

Kitabu cha nk'hongo cha

SAMWELI

ULONGOELO

Aho nk'hongo vitabu va Samweli cha nk'hongo na cha kaidi vandaga ni kitabu kimwenga kikulu chamanyikaga enga, kitabu cha Samweli. Kitabu iki chapangwagwa kaidi mwo utapita we Kigiliki we Ndagano ya Nk'hongo. Mwo utapita uno we Kigiliki Kitabu cha nk'hongo cha Samweli na Kitabu cha kaidi cha Samweli, chetangwagwa, Useuta wa nk'hongo na wa kaidi, naho mwe Bibilia ye Kilatini vetangwagwa Maseuta wa nk'hongo na wa Kaidi hamwenga ne vitabu va Maseuta, vetengwagwa Maseuta wa katatu na maseuta wa kane. Vitabu va nk'hongo va Samweli, na vitabu va kaidi, vilongesa mwo wikazi wa mlotezi Samweli, seuta Sauli na seuta Daudi. Samweli niye andaga kilongozi azigiile mwo lupisi umwo Waizilaeli wasagukaga kulawa mwo kulongozwa ni walamuzi na kulongozwa ni maseuta. Naho Samweli awakumbaga mavuta Sauli na Daudi kunda maseuta waidi wa nk'hongo wa Izilaeli. Vitabu va nk'hongo va Samweli na vitabu va kaidi va Samweli vatambalisa Mbuli zomboke za Waizilaeli mwo lupisi ludya. Hehali yeyose ammanyaga uyo awandikaga vitabu ivo. Awandike haketambule mwenye mwe kitabu icho, mna ekalaga mpaka mwo lupisi lwa seuta Daudi, na lupisi lugendeele mpaka aho hawandikwagwa naho zimbuli za Sauli na Samweli. Kwajili ye kinyele mwa uyo muwandishi ywe vitabu ivi haimanyike kugamba vawandikwagwa ini.

Yemndani mwe kitabu cha Samweli ywa nk'hongo chalonga ukelekwa no lwitango lwa mlotezi Samweli. 2 Mnango wa 4-7 walongo ivo wafilisiti waditahaga Disanduku dye Ndagano kulawa kwa Waizilaeli na ivo yaletaga ubanangi mwe isi ya Wafilisiti umwo wandaga nadyo. 3 Mnango wa 8-15 walonga icho chalailaga umwo Waizilaeli walombezaga kunda na seuta niyo Samweli amkumba mavuta Sauli kunda seuta ywa nk'hongo, na ivo Zumbe Mnungu alemelaga Sauli. 4. Mnago wa 16-31 chalonga ivo Samweli amkumbaga Daudi kunda seuta ywa kaidi ywa Izilaeli, na ivo Sauli agezaga kumkoma Daudi. Atendaga ivo mpaka kwo uheelo wa ugima wakwe. Yemndani kitabu cha Samweli ywa kaidi 1 Mnango 1-5 walongo ivo Daudi andaga seuta ywa Yuda na akajika niyo anda Seuta ywa Izilaeli yose. 2 Mnango 6-10 walongo ivo Daudi ekalaga kunda seuta na kuwakoma wank'hondo wakwe wengi. 3 Mnago wa 11-12 chaona ivo Daudi atendaga uhabwasi na ukomi niyo ativilwa ni mlotezi Natani. 4 Mnango wa 13-20 chawaona awant'hu widi wasaguke kwa Daudi. 5 Mnango 22-24 Ihanganya zimbuli zose za Daudi mwo useuta wakwe.