1 Wakolinso

BALUWA YA NK'HONGO YA PAULO KWA

WAKOLINSO

ULONGOELO

Baluwa ya nk'hongo kwa Wakolinso yawandikagwa ni Mwigala Ulosi Paulo, yagambigwa yadaha ikanda ni mwo mwaka wa milongo mishano na mishano kulawa aho Yesu eze elekwe 1:1. Ino niyo ibaluwa ya nk'hongo mwe zibaluwa zimbili kinanazo izo Paulo adiwandikilaga idifyo dya wahuwila wa Kilisito wa uko Kolinso. Yadahika baluwa ino aiwandikaga umwo andaga akekala Efeso aho andaga akei kutaila kutalamkila Kolinso mwe nt'hambo yakwe yo kuita na kuuya uko Makedonia 16:5-9.

Baluwa ino ni uhituzi wa Paulo kwe yadya ayahokelaga kulawa kwa wamwenga mwe difyo dya wahuwila wa Kilisito kwaviya kwandaga na udamanyi wiihile mwe difyo idyo. Enga viya mipangano na uhabwasi. Mzi wa Kolinso noumanyikisa kwa mbuli za uhabwasi, kwaivo hiyo kint'hu cha kweheela kugamba idifyo dya wahuwila wa Kilisito nediwandikilwa mwe zimbuli izo. Naho mwe baluwa ino mnango wa 13, umanyikisa kwa kulonga mbuli zo lukunde.

Yemndani

Mwo mnango wa 1:1-9, Paulo awalamsa Wakolinso na kumtogola Mnungu kwajili yawe.

Mwo mnango wa 1:10-21, alonga mwe mbuli izo azipatile ze mipangano mwe difyo dya wahuwila wa Kilisito uko Kolinso.

Mwo mnango 5-6, alongaga mbuli zo uhabwasi na mwe mbuli yo kwigalana kwe vitala.

Mwo mnango wa 7-15, Paulo alagiza mwe zimbuli ze ndoza, na kuyalavila amahili malavo iviyaiviya ne zimbuli za kuvika na mageleko ya kimuye na uuyulo.

Mwo mnango wa 16, abindiliza na mbuli za udamanyi na mbuli za mnt'hu mwenye.