Amaluko

Ngani Jammbone handa chijijaandikwe na

Amaluko

Nnongolelo

Ngani Jammbone jijijaandikwe na Amaluko, nga chimo mu hitabu ncheche hiibhile mu Lilagano Liyono yakubhehe hiikongolela umomi gwa Ayesu Kilisto. Kila chitabu chimo chabhe chikemwa Injili maana gakwe nga, “Ngani Jammbone.” Hitabu yeneyo hikajandikwa na angota Amatayo na Amaluko na Aluka na Ayohana baada ja Ayesu kujomoka. Injili jijikajaandikwa na Amaluko nga Injili jijipijipi muno kupeta yoha. Hela hela hitenda kuhobhaleka kubhee chitabu heche chitekujemeka kujandikwa tangu Injili yengi yangajandikwa pakati ja chaaka cha 1965 mpaka kuhikila 1970 baada ja kubhelekwa Ayesu Kilisito. Akaachomi bhajingi bhahobhalelenga kubhee chikajandika bhakibha ku Loma ligongo lya kwalekelanga mitima Akaakilichito bhajingi bhabhakibhanga ku Loma.

Amaluko hela hela bhatenda kumanyikana handa Ayohana Amaluko bhakibha aganja bhabhe angota na akandundame Apaulo na Abalinaba nambo bhakakana kulongana nabho mu ulendo gwa kwaatangachianga bhandu Ngani Jammbone, hikobho 13:13, baada ja penapo Amaluko bhakabhoka ulendo kabhele na Abalinaba, hikubho 15:37-39, Amaluko bhakamanyikana handa aganja bhakubhandikila bha Apetulo, 1 Apetulo 5:13, hikibha hopo Amaluko bhangabhona umomi gwa Ayesu kwa miho gabhe, akaachomi bhajingi bhahobhalelanga kubhee Amaluko bhabhekite kombokelo hijingi gabhakakongolelwa na Apetulo na nga kujemeka kwa Injili jijijaandikwe na Amaluko. Mu Injili Amaluko bhatekulumikia bhandu bhabhee bhanapunji bha Ayesu na majigano ga Ayesu mu muda gwa kujomolekea.

Gagabhile

Amaluko bhachitenda kuchikongolela chitabu cha kujemeka 1:1-13.

Amaluko bhakangolela ulendo gwa Ayessu kujaula ku Yelusalemu 1:14-21.

Amaluko bhalongela nnani ja ulendo gwa Ayesu kujaula ku Yelusalemu 8:22-10:52.

Amaluko bhatenda kujomolekea kwa kujandika nnani ja Ayesu pabhakibha ku Yelusalemu pamo na kujomoka kwabhe na kuyoka kwabhe 11:1-16:8.