Aluka

Ngani Jammbone jijijaandikwe na

Aluka

Nnongolelo

Chitabu cha Injiili ja kulengenea na Aluka nga chitabu chimo pakati ja hitabu yengi ya Lilagano liyono nnani ja Akilisito. Kila chimo chikakemwa Injili, lilobhe hele maana jakwe nga Ngani Jammbone. Hitabu hikaajandikwa baada ya Ayesu kujomoka, hitabu heye hikajaandikwa na angota Amatayo na Ayohana na Amaluko na Aluka baada ja Ayesu kujomoka. Aluka bhangajaandika ngani nnani ja umomi gwa Ayesu tu nambo bhakajaandika nnani ja hikubho hibhakatenda bhanapunji bha Ayesu bhakatendanga baada ja kujomoka na kuyoka kwa Ayesu. Kabhele bhakajaandika chitabu chichikemitwa Hikubho ya Akaalondohi. Bhakwa bhabhaimanya muuda gwene yakubhee Injili kulengenia na Aluka chibhakajaandika. Nambo akaachomi bhajingi bhakondanga komboleka bhakajaandika mu chaaka cha 70 tangu Akilisito.

Aluka bhabhakibha aganga nga bhabhakaandika. Namuna ja kujaandika kwabhe na chilongelo chabhe jilaangia kubhee bhakibha nga amundu bhabhakweti malango. Aluka bhakapala kujaandika ngongolei yene nnani ja ngongolei ya Ayesu kwa kongolela mabhokelo kwa namuna jijikabhokela, ili bhangi bhakombolange kumanyanga pabjhachomanga 1:1-17. Aluka chula ja 1:1-3, Aluka bhakibha ngabha Ayahudi. Bhakolosai 4:10-14 bhakajaandika kwa namuna yakubhee bhandu ngabha Bhayahudi bhakombolanga kumanyikana. Ngani heje jilaangia kwa namuna chibhakongolela chiiyobhalilike kwa Chiyahudi Aluka 1:8.

Injili kulengenia na Aluka jilaandana muno na hitabu ya Amatayo na Amaluko ligonogo hitabu heye hikongolela ngani yelayela kwa namuna jelajela. Pakati ja hitabu heyo, chitabu cha Aluka chikongolela maha umomi gwa Ayesu. Ayesu bhakahatambula maha nnani ja kulekelea mabhou mu Aluka 3:3; 11:4; 17:3-4; 23:34; 24:47 na 24:47. Kabhele bhakakulumikia majopelo mu chula ja 3:21, 5:16; 6:12; 11:12; 22:32.

Gagabhile

Mu chula ja 1:1-4 Aluka bhakongolela Injili jabhe na kongolela kwa niki bhatendakujaandika.

Ngapena bhangolela nnani ja kubhekekwa kwa Ayesu na namuna jijikabhekwa ligongo lya lihengo lya Aluka 1:5-4:13.