Ayohana

Ngani Jammbone chijijandikwe na

Ayohana

Nnongolelo

Ngani Jammbone chiijandikwe na Ayohana nga chimo cha hitabu ncheche mu Lilagano Liyono hiikongolela umomi gwa Ayesu Kilisito. Kila chimo cha hitabu yeneyo chikwemwa “Injili” lilobhe lilibhile na maana ja “Ngani Jammbone.” Hitabu heye hikajandikwa na Amatayo, Amaluko, Aluka na Ayohana baada ja kujomoka Ayesu. Ngani Jammbone handa jiijandikwe na Ayohana hikajandikwa na Ayohana mu yaaka ya 90 pabhabelekwa Ayesu Akilsito. Hata henela chitabu ngalongela Ayohana nga jwaakajandika, na chibhakajandika hilandana muno na gwagola gugubhile mu balua ja 1 Ayohana, 2 Ayohana, na 3 Ayohana. Bhangi pakati ja bhenibhala bhabhakajandika lolo bhankongolela Ayohana kubhee atendita kutama mu chilambo cha ku Efeso mu machobha genago, henela ikomboleka chitabu chenjeni chikajandikwa mu chilambo cha ku Efeso.

Ayohana atendakulongela pangali kuhiya ligongo lya kujandika chitabu nga kwajangatila bhandu bhakombolange kuhobhalela Ayesu Kilisito, Mwana jwa Annoongo jwaabhi amomi 20:30. Kwa kuhobhalela henela bhakombolange kubhee na umomi gwa machobha goa kwa kutama handa chibhapala Ayesu. Chitabu chenjeni chikajandikwa ligongo lya Bhayahudi na bhenibhala bhanga Bhayahudi. Ngani Jammbone jijikajandikwa na Ayohana kwa namuna teno chilekine na injili yeniyela itatu yengi. Ayohana akalangia mu yeniyela yakangachika hibhakaatenda Ayesu, na angajanika muno nnani ja yeniyela yakangachika hijingi hibhakatenda Ayesu na kulandanakia. Hikubho hiibhokile yengi hijingi hikolongwa handa kubatichwa kwa Ayesu na kujigwa kwabhe palulemba kabhele gangajandikwa mu Ngani Jammbone jenjeni.

Gagabhile

Ayohana atendakuijemeka injili nlyango 1:1-18.

Ayohana atendakujandika ngani ja yakangachika yengi hibhakaitenda Ayesu 1:19-12:50.

Ngapena atendakulongela hikubho hikolongwa hibhakatenda Ayesu mu umomi gwabhe na hiikaajambua malilo gakwe na kuyoka 13:1-20:31

Ayohana atendakujomolekea injili jabhe mu nlyango gwa 21 abhikongolela Ayesu pabhakaabhokelanga bhenibhala bhandu pabhakayoka, na kabhele atendakongolela gagakaatenda kujandika chitabu chenjeni.