1 Bhakolinto

Balua ja kujemeka ja Apaulo kwa

Bhakolinto

Nnongolelo

Chitabu cha 1 Bhakolinto chikajandikwa na andundame Apaulo mu yaaka hiikabhandikila hamsini na nhano baada ja kubhelekwa Ayesu Kilisito 1:1. Balua jenjeni jikajemeka pakati ja balua hibhele hiikajandikwa na Apaulo kwa chibhoga cha bhandu chichahobhalile Ayesu bha konokwe ku chilambo cha Kolinto. Komboleka akajandika balua jenjeni pabhatendita kutama ku Efeso tangu ja ulendo gubhakajemeka kujaula ku Kolinto pabhapakujaula na kubhuja kubhoka ku Makedonia 16:5-9.

Apaulo akajandika balua jenjeni kujangula yeniyela hikubho hibhakaijoa kubhoka kwa chibhoga cha bhandu bhangi chibhahobhalile Ayesu kwa ngani ja hikubho yangali yammbone hiikatendekwa pakati ja chibhoga cha bhandu chichahobhalile Ayesu, hibhii pamo na mpwilingano na ngoongola. Bhandu bha chilambo cha ku Kolinto bhakamanyikana muno kwa hikubho ya hijingi ya ngoongola hiikajenela, henela ngabha chikubho chigeni kubhokana kubhee bhandu bhabhahobhalela Ayesu bha penapo bhatendita kuhibhila chikubho hecho. Chitabu cha 1 Bhakolinto chibhii na chula yakumanyikana muno hiikongolela kwa ngani ja upalio mu chula ja 13.

Gagabhile

Apaulo atendakujemeka kwa kwachalimianga bhandu bha ku Bhakolinto na kwaachukulu Annoongo ligongo lyabhenji mu chula ja 1:1-9.

Pabhakajomola penapo atendakutendela lihengo genigala gabhajoine kwa ngani ja mpwilingano nkati ja chibhoga cha bhandu chichahobhalela Ayesu bha ku Kulinto mu chula ja 1:10, 4:21.

Pagakapeta genago atendakutendela lihengo kwa ngani ya hikubho ya ngoongola na hikubho hiibhatendelana ya kupelekana kuchebule kwa bhena akaachinabhene mu chula ja 5-6.

Pabhakajomola penapo akakongolela kwa ngani ja ulombela, kubhoa mbeeko kwa hidimu, kujopa penipala pabhatekondekana bhandu, ngwahupa ya chinnoongo hiibhoka kwa Annoongo na hikubho kwa ngani ja kuyoa mu chula ja 7-15.

Apaulo atendakujomolekea kwa kongolela hikubho yengi ya kupangana na yakwe mweene mu chula ja 16.