Yoshuwa

Kitabo Cha

Yoshuwa

Ulongolelo

Kitabo cha Yoshuwa kijhendelela kuchimulila mambo gha kilambo cha Akaichilahele kone kitumbuu chehemo jhela kitabo cha Kombokela lya mihilo pikijhomolela. Kipinde kitabo cha Yoshuwa pukitumbula kwa chimulila bhando bhaku Akaichilaele bhibhakibha bhabhekite kighono upandi ghulitipiki lyobha mwa lukemba Yoludane. Kitabo chenje cha Yoshuwa kichimulila namuna Akaichilahele chijhabhajhombwika lukemba Yoludane na kukitola kilambo cha Kanaane, kongo bhabhii pahe jha ulongoche gwa Yoshuwa, jmmujhila jwa Mucha. Bhatehila yene nhwalo Chapanga akabhalaghalikii kutenda yene. Mu malobhe ghanga, Chapanga akibha alenganikiya lilaghano jhalaghila kubhehe nabhapela ibheluko yake Ulahimo kilambo chenje jhikibha itamilwa na Akakanaane, kitabo Chukutumbula 12:7.

Imanyikana jhe ghane jwajhandike kitabo cha Yoshuwa. Kipinde chenie, jwajhandika kwa nnandanikilo Yoshuwaantenda mundo kuwacha kubhehe pange jwene pange akibha alombina ilebhe yoha ipitila 5:1-6. Ku nhwalo ghongo nhwalo, akachomi twe bha Bibuliya piwacha kubhehe Yochowa jwenio ndi jwajhandike chehemo ngolongwa jha kitabo chenje. Helahela chakaka kubhehe pange mundo jhonge panja na Yoshuwa akajhandike chehemo mu kitabo chenje, ngita hela, ilebhe kuwegha na kuchikwa kwa Yoshuwa, Yoshuwa 24:29. Akachomi bhange bhiwacha kubhehe kitabo chenje pange kikajhandikwe mu chaka cha 800 bhipitila lijhambu. Mambu ghighalongela mu kitabo cha Yoshuwa iwechekena ghakapitii mu chaka cha 1250, kabula jhukubhelukwa Kilichitu. Ngita hela yaka 40 bada jha Falao Lamasesi kutumbuu kulongocha kilambo chuku Michile. Lamasesi jwenio ndi kilongoche jwaholelelwa kubhehe akalongwiche kilambo chaku Michile mu kipinde cha bhando bhuku Ichilahele pibhabhokita mu kilambo chuku Michile, Kubhoka 1:11.

Ghughabhii mu kitabo

Mu chula jha 1 ade chula jha 5:12, ichimulila Akaichilaele pibhajhombwika lukemba Yoludane nu kuhika kukilambo cha ku Kanaane.

Kabhe, mu chula jha 5:13 ade jha 12, ichimulila mipangu jhe Akaichilaele kwajhingilila na kwahotola bhando bhikilambo chuku Kanaane.

Pighajhomokila gheniya, mu chula jha 13-21, ichimulila namuna kilambo chuku Kanaane chibhaghinwa kwa makabila ghoha kome na mabhele gha Akaichilahele.

Kujhomolela, mu chula jha 22-24, ichimulila namuna makabila ghange chighabhujhila upandi ghulihumii lyobha mwa lukemba Yoludane, malobhe ghakujhomolela gha Yoshuwa kwa kilambo chuku Ichilahele, kuwe na kuchikwa kwa pamonga na namuna jha Akaichilahele chibhatehila kwa kubhujhila lilaghano lyabhe na Chapanga.