Filimone

Baluwa jha Pauli kwa

Filimone

Ulongolelo

Kitabo chenje kijhipe cha Filimone kikajhandikwe na ntenga Pauli, mu chula jha 1:1. Pauli pakibha mukipungo ku Loma pajhandika kitabo, yenio pange iwechekana ajhandika pakibha ku Loma na anda akibha ku Loma bhahe, iwechekana kikajhandikwe muchaka cha makome chita na limo kubhoke pabhelwika Yecho Kilichitu, ndi chaka cheche pange iwechekana pajhandika kitabo cha Akakolochahe.

Pauli anyandikila baluwa jhenje mundo jhumo liina lyake Filimone. Filimone akibha jhumo pakate jha lilongo lya bhando lilinnyeketii Kilichitu na helahela akibha na akabhanda bhake. Pauli anyandikila kupala kunnyopa akotoka kunapula mmanda gwake jwakemitwa Onechimo jwanywogholwike kubhoke kwa Filimone. Kwa malaghilo gha Kiloma Filimone apalitwa ankome Onechimo. Pauli ngampembelekiya Filimone na kunneke mwojho annyeketele Onechimo ngita nnongo mu kulombona na Kilichitu, helahela annyopa annekekeye Onechimo ahenge lihengo pamo na Pauli, mu chula jha 1:13-14.

Ghughabhii mukitabo

Pauli innyambucha Filimone, mu chula jha 1:1-3.

Kabhele Pauli innyopa Filimone ampokele Onechimo ngita nnongo mu Kilichitu, mu chula jha 1:4-21.

Pauli ijhomolela kwa kutangacha mawacho ghake gha kwatyangila na kwajhambucha, mu chula jha 1:22-25.