Maluku

Malobhe gha Mbone ngita chighajhandikwe na

Maluku

Ulongolelo

Malobhe gha Mbone ngita chighajhandikwe na Maluku ndi chimo cha itabho ncheche ya Lilaghano liyono ghighachimulila ughome gwa Yecho Kilichitu. Kila chimo cha itabo yenio ikemwa “Injili.” Lilobhe lyenio mana jhake “Lilobhe lya Mbone.” Itabo henge ikajhandikwe na Matei na Maluku na Luka na Yohane pajhomwika Yecho. Malobhe gha Mbone ngita Chighajhandikwe na Maluku chenie kitabo kijhipe kulenganicha na henge ncheche. Helahela bhando bhalongela kitabo chenje kikalongolile kujhandikwa kuliku henge, kikajhandikwe chaka cha makome chita na nhwano ade makome chaba pabhelwikwa Yecho Kilichitu. Bhubhachomite bhakilichitu lende likajhandikwe ku muche gwa ku Roma kwa kupala kwalekela mwojho Akakilichitu bhubhakibha kwenio.

Jwenio Maluku amanyikana ngita Yohane Maluku, akibha atyangita pamonga na Napauli na Banaba, ajhakukana kulongohana nabho mu mwanja gwa kutangacha Malobhe gha Chapanga Mahengo, 13:13. Peniya Maluku ajhakulongohana kabhele na Banaba, Mahengo, 15:37-39. Maluku akamanyikine nkoche mundo Petile 1 Petile 5:13. Nambo Maluku akibha kangombo jwandina, Yecho patumbwila lihengo lyake, bhubhachoma twe bha majhandiko gha Chapanga bhihobholela Maluku akajhandike malobhe ghalongela Petile, na peniya pughatumbwile Malobhe ngita chighajhandikwe na Maluku. Nkate mwa Malobhe ghanga, Maluku akachanii kubhehe mmolwa jwa Yecho, na mabholo gha Yecho kwa machiko gha kujhomolela.

Ghughabhii mukitabo

Maluku apiya ulongolelo gwa kitabo chake, mu chula jha 1:1-13.

Maluku alongela mahengo gha Yecho pakibha ku Galilaya, mu chula jha 1:14-8:21.

Peniya alongela mwanja gwa Yecho ku Yeluchalemo, mu chula, 8:22-10:52.

Maluku ajhomolela kwa kujhandika muda gwa Yecho ku Yeluchalemu, pamonga na kuwegha na kuyoka kwake, mu chula jha 11:1-16:8.