3 Yohane

Baluwa jhutato jha

Yohane

Ulongolelo

Baluwa jhutato jha Yohane ikajhandikwe na ntenga Yohane kipinde cha muchaka cha makome nhwano ade makome kome kubhoke pabhelwika Yecho Kilichitu. Yohane akilongolelajhe jwenio kubhehe ndi jwajhandike, nambo akikemita kilongoche nchitale gwa 1. Akatehi helahela mu baluwa jhake jha ubhele Yohane nchitale gwa 1. Inhobheleka kubhehe Yohane akajhandike chimo cha itabo ncheche ya Lilobhe lya Mbone lya Yecho Kilichitu, pamonga na baluwa itato, yane baluwa jha kutumbula na jha ubhele na jha utato pakibha atamita ku muche gwa ku Epecho.

Yohane akajhandike baluwa jhenje kwa mundo jwanyeketile Kilichitu jwakemitwa Gajho. Ilonge nako ngita nkoche gwake na kunnaghalikiya kubhehe abhapokele kajha jhake akalongo bhubhanyeketii Kilichitu bhibhatyangila pa kilambo chenie.

Ghughabhii mukitabo

Yohane ichimulila baluwa jhake, mu nchitale gwa 1.

Yene anneke mwojho Gajho na kulangi mwojho gwa mbone gwa kwapokela akalongo bhubhanyeketii Kilichitu, mu nchitale gwa 2-8.

Kabhele ilongelela malobhe gha bhando bhabhele, Diotilefe na Demetilio, mu nchitale gwa 9-12.

Ijhomolela kujhandika baluwa jhake, mu nchitale gwa 13-14.