2 Timocheyo

Baluwa jhuubhele jha Pauli kwa

Timocheyo

Ulongolelo

Kitabo chuubhele cha Timocheyo ndi baluwa jhuubhele jhijhandikwe na ntenga Pauli kujhenda kwa mmola gwake Timocheyo. Baluwa jhuubhele Pauli kwa Timocheyo pange ikajhandikwe pahina na kujhomokela ughome gwake. Kipinde chenie, Pauli pakibha mu kipungo mu muche gwa ku Loma, mu chula jha 1:16. Pauli akibha nkoche jwa pahina hake na Timocheyo, na kipinde chenge ankemita ngita mwana mundo, Filemone, mu chula jha 2:22, Timocheyo 1:2; 1: 18.

Baluwa jhenje ndi jhimo jha baluwa ncheche ya Pauli yanyandikile mundo jhumo jhumo na chi kwa lilongo lya bhando bhibhannyeketii Kilichitu. Baluwa henge itato ndi Timocheyo na Titu, na Filemone. Kipinde jha baluwa jhuubhele jha Timocheyo, piijhandikwa kwa lilongo lya bhando bhibhajheketii Kilichitu mu unahota nkolongwa gwa ku Loma pakibha na mang'ahe hake. Pange iwechekana ndi nhwalo ghuntehila Pauli abhe mu kipungo, na kunnobholela Timocheyo ahimbilile papeta mambu ghighajhundupa. Ngita chikibha mukitabo cha 1 Timocheyo, Pauli akankelewiye Timocheyo akichunge na bhabhola bhuwange, mu chula jha 1:16-18. Akanobholile hele Timocheyo napaha na kipinde cha mang'ahe palonge, mu chula jha 3:1.

Ghughabhii mukitabo

Mu chula jha 1:1-2, Pauli atumbuu baluwa jhake kwa kunnyambucha Timocheyo. Na kunaghalakii ilebhe ipalwa kubholwa, mu chula jha 1:3-18.

Yene annobholela Timocheyo mang'ahe ghighapakukolela na ahimbilile, mu chula jha 2:1-13.

Kabhele ikelebhuwa akoto kuhenga ghanganandela na kumpe ndela jha maha jha kuhenga, mu chula jha 2:14-26.

Pauli ikutila kwa kumpe malaghilo ghake Timocheyo, mu chula jha 4:9-9.