2 Yohane

Baluwa jhubhele jha

Yohane

Ulongolelo

Baluwa jhubhele jha Yohane ikajhandikwe na ntenga Yohane pakate jha muchaka cha makome nhwano na makome ticha pabhelwika Yecho Kilichitu. Yohane akilongolelajhe jwenio ndi jwajhandike, nambo akikemita jwenio ndi munahota. Ilebhe ibhii mu baluwa jhenje ndi tela na ibhii mukitabo cha Lilobhe lya Mbone chikijhandikwe na Yohane. Baluwa jhenje achwa ilongela lilaghalikilo lya Yecho lya kupalana na patuleta pamonga Yecho jwa upalano na kukengama lilaghalikilo lyake, mu chula jha 1:5-6, Yoh 15:9-10. Inhobheleka kubhehe Yohane akajhandike chimo cha itabo ncheche ya Lilobhe lya Mbone jha Yecho Kilichitu, pamonga na baluwa itato, yane baluwa jha kutumbula na jha ubhele na jha utato jha Yohane pakibha atamita ku muche gwa ku Epecho.

Yohane akanyandikile baluwa jhenje mbujha jwahaghulilwe pamonga na yana yake, nambo pange ibhonekana akibha alijhandikila lilongo lya bhando lilinyeketii Kilichitu. Yohane akajhandike baluwa jhenje kwaleke mwojho lilongo lya bhando bhubhanyeketii Kilichitu na kwakelebhuha nhwalo gwa akabhola bhuwange.

Ghughabhii mukitabo

Yohane atumbu kwajhambucha na kulangiha baluwa jhenje na kulonge ndi akina ghane abhajhandikila, mu chula jha 1:1-3.

Peniya abhaleke mwojho bhando bhubhanyeketii Kilichitu na kwakombocha lilaghalikilo lilibhi likolongwa, mu chula jha 1:4-6.

Kabhele abhakelebhuha bhando kwa malobhe gha bhabhola bha uwange, mu chula jha 1:7-11.

Yohane ijhomolela baluwa jhake kwa kwapela akachomajhe bhake chalamo kubhoka kwa lilongo lya bhando lilinyeketii Kilichitu lyatamita.” Mu chula jha 1:12-13.