1 Petile

Baluwa jhukutumbula jha

Petile

Ulongolelo

Baluwa jha kutumbula jha Petile ikajhandikwe na ntenga Petile. Petile akatumbwii kujhandika baluwa jhake kwa kukikilenga jwenio meneke na bhando ghane abhajhandikila. Baluwa jhenje abhajhandikila bhando bhoha bhubhanhobholela Kilichitu, bhibhapechangine pannema ghoha, bheniya ndi kila kipinde mu baluwa jhenje bhikemwa “akaghene,” chula jha 1:1, 1:17 na 2:11. Nhwalo baluwa jhake ilandine na baluwa jha Pauli kwa Akaepecho, bhando bhamahele bhihobholela kubhe baluwa jha kutumbula jha Petile ikajhandikwe mu kipinde chikibhandikii muchaka cha makome chita na nhwano pabhelwikwa njwe Yecho Kilichitu. Petile akajhandike baluwa jhenje patamita ku kilambo chuku Loma chehemo jhainkemita Babilone, mu chula jha 5:13.

Petile alenga kubhehe aijhandike baluwa jhenje nhwalo gwa, “Kunkangamalicha mwojho na kulonge kubhehe kuhenga kongo umbone gwa Chapanga ndi chakaka,” mu chula jha 5:12. Kubhii kulandana pakate jha 1Petile mu chula jha 2:11-3:7 na Akaepecho 5: 18-6:9 na Kolochai 3:18-4:6. Chula yenio itato ilangii matyango ghambone mu lilongo na kujhokanikii ilongoche. Hele abhakangamalicha mwojho bhando bhoha bhubhanhobholela Kilichitu bhaimbilile mang'ahe nhwalo kupeheke kwa nnema kubhandikile, mu chula jha 4: 1.

Ghughabhii mukitabo

Petile akichimulii jwenio kwa bhabhajhandikila, mu chula jha 1: 1-2.

Kabhele inchengu Chapanga nhwalo gwa ughombokeko, bhando bhoha bhipalwa kujhingii mwenio na nike mana jha ughombokeko gwenio mu ughome gwabhe, mu chula jha 1:3-2:10.

Kabhele abhalaghii bhando bhibhahobholela Kilichitu bhatame maha pannema na abhachimuli ilebhe twe ngita kutangatilana akanalome na akakeghe na mmanda na munahota gwake, mu chula jha 2:11-4:11.

Kubhoke penia Petile abhakangamalicha mwojho bhabha akaimbalilu pibhakongana na malagho, mu chula jha 4:12-5:11.

Kabhele Petile ajhomole baluwa jhake, mu chula jha 5: 12-14.