AmaHubo 99

1UThixo uyabusa,

izizwe kazithuthumele;

uhlezi esihlalweni sobukhosi phakathi kwamakherubhi,

umhlaba kawuzamazame.

2Mkhulu uThixo eZiyoni;

uphakeme ngaphezu kwezizwe zonke.

3Kabadumise ibizo Lakho elikhulu elesabekayo

Yena ungcwele.

4INkosi ilamandla, ithanda ukwahlulela okuhle

umisile ukwaba ngemfanelo;

kuJakhobe usuwenzile okuqondileyo lokulungileyo.

5Dumisani uThixo uNkulunkulu wethu

likhonze phansi kwesihlalo sakhe;

yena ungcwele.

6UMosi lo-Aroni babephakathi kwabaphristi bakhe,

uSamuyeli wayekulabo ababelibiza ibizo lakhe;

bambiza uThixo

Yena wabaphendula.

7Wabakhulumisa ephakathi kwensika yeyezi;

bagcina izimiso zakhe lezimemezelo azitshoyo kubo.

8Oh Thixo Nkulunkulu wethu,

wabaphendula;

ku-Israyeli wawunguNkulunkulu othethelelayo,

lanxa wabajezisa ngenxa yezenzo zabo ezimbi.

9Phakamisani uThixo uNkulunkulu wethu,

limkhonze entabeni yakhe engcwele,

ngoba uThixo uNkulunkulu wethu ungcwele.