Biblica® IBhayibhili Elingcwele LesiNdebele Elifinyelelekayo
AmaHubo 97
UThixo uyabusa, umhlaba kawuthokoze;
akuthi amakhumbi akude ajabule.
Amayezi lomnyama omkhulu kumsibekele;
ukulunga lokwahlulela kuhle kuyisisekelo sesihlalo Sakhe sobukhosi.
Umlilo uhamba phambi Kwakhe
uzihangule izitha zakhe inxa zonke.
Umbane wakhe ukhanyisa umhlaba;
umhlaba ukubone lokho uthuthumele.
Izintaba zincibilika njengengcino phambi kukaThixo,
phambi kweNkosi yomhlaba wonke.
Amazulu amemezela ukulunga kwayo,
labantu bonke bayayibona inkazimulo yayo.
Bonke abakhonza izifanekiso bathelwa ihlazo,
labo abazikhukhumeza ngezithombe
mkhonzeni, lonke lina bonkulunkulu!
IZiyoni iyezwa ithokoze
lemizi yakoJuda iyajabula
ngenxa yokwahlulela Kwakho, Oh Thixo.
Ngoba wena, Oh Thixo ungoPhezukonke kuwo wonke umhlaba;
uphakeme ngaphezulu kakhulu kwabonkulunkulu bonke.
Akuthi bonke abamthandayo, uThixo, bazonde okubi,
ngoba uyazilinda impilo zabathembekileyo bakhe
abakhulule esandleni sababi.
Ukukhanya kuyehliselwa kwabalungileyo
lentokozo kwabaqotho enhliziyweni.
Thokozani kuThixo lina elilungileyo,
lidumise ibizo lakhe elingcwele.
Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.