Biblica® IBhayibhili Elingcwele LesiNdebele Elifinyelelekayo
AmaHubo 84:11
Verse 11 is marked below, with the whole chapter around it. Read from the start
Kumqondisi wokuhlabela. Ngendlela yegithithi. Elabantwana bakaKhora. Ihubo.
Yeka ubuhle bendlu yakho,
Oh Thixo Somandla!
Umphefumulo wami uyalangazela, uze ungathi uyaphela,
ngifuna amaguma kaThixo;
inhliziyo yami lenyama yami
kukhalela uNkulunkulu ophilayo.
Intaka layo ilizuzile ikhaya,
lenkonjane isidleke sayo,
lapho ingazalela khona abantwana bayo
indawo eduze kwe-alithari lakho,
Oh Thixo Somandla, Nkosi yami loNkulunkulu wami.
Babusisiwe labo abahlala endlini yakho;
bahlala bekudumisa kokuphela.
Babusisiwe labo abalamandla abo akuwe
asebebeke inhliziyo zabo ekulagiseni kuwe.
Bathi nxa bedabula esiGodini seBhaka
basenze sibe yindawo yemithombo;
izulu lekwindla lalo ligcwalise iziziba.
Ayakhula amandla abo ande,
ngulowo lalowo aze aqhamuke kuNkulunkulu eZiyoni.
Zwana umkhuleko wami, Oh Thixo Nkulunkulu Somandla;
akungilalele, Oh Nkulunkulu kaJakhobe.
Khangela isihlangu sethu, Oh Nkulunkulu;
khangela ngomusa kogcotshiweyo wakho.
Lungcono usuku olulodwa emagumeni akho
kulensuku eziyinkulungwane kwenye indawo;
kungabangcono ngibe ngumlindimasango endlini kaNkulunkulu
kulokuhlala emathenteni ababi.
Ngoba uThixo ulilanga lesihlangu;
uThixo uyapha umusa lodumo;
kancitshani langaluphi ulutho oluhle
kulabo ozinyathelo zabo zingelansolo.
Oh Thixo Somandla,
ubusisiwe umuntu owethemba kuwe.
Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.