Biblica® IBhayibhili Elingcwele LesiNdebele Elifinyelelekayo
AmaHubo 6
Kumqondisi wokuhlabela. Ngeleziginci. Kulandelwa isheminithi. Ihubo likaDavida.
Oh Thixo ungangikhalimeli ngolaka lwakho
njalo ungangitshayi uthukuthele.
Woba lomusa kimi, Thixo,
ngoba ngiphela amandla;
Oh Thixo, ngisilisa,
ngoba amathambo ami alobuhlungu.
Umoya wami udabukile.
Koze kube nini, Oh Thixo,
koze kube nini?
Phenduka, Oh Thixo, ungikhulule;
ngihlenga ngenxa yothando lwakho olungehlulekiyo.
Kakho okukhumbulayo nxa esefile.
Ngubani okukhonzayo esengcwabeni lakhe?
Ngikhathele ngokububula;
ubusuku bonke umbheda wami uba manzi te ngikhala
umendlalo wami ngiwugcwalise ngezinyembezi.
Amehlo ami ayafiphala ngenxa yosizi;
ayanqundeka ngenxa yazo zonke izitha zami.
Xekani kimi lina lonke elenza okubi,
ngoba uThixo usekuzwile ukulila kwami.
UThixo usekuzwile ukukhala kwami ngicela umusa;
UThixo uyawamukela umkhuleko wami.
Zonke izitha zami zizayangeka zidaniswe;
zizatshibilika zibuyele emuva masinyane sezilehlazo.
Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.