Biblica® IBhayibhili Elingcwele LesiNdebele Elifinyelelekayo
AmaHubo 54
Kumqondisi wokuhlabela. Kutshaywa iziginci. Ihubo likaDavida. Lapho amaZifi aya kuSawuli afika athi, “Kanti uDavida kacatshanga yini phakathi kwethu?”
Ngisindisa, awu Nkulunkulu, ngebizo lakho;
ngigeza ecaleni ngamandla akho.
Zwana umkhuleko wami, Oh Nkulunkulu;
lalela amazwi omlomo wami.
Ngihlaselwa ngabantu engingabaziyo;
izikliwi zifuna impilo yami
abantu abangamnanzanga uNkulunkulu.
Ngeqiniso uNkulunkulu ulusizo lwami;
uThixo nguye ongisizayo.
Akuthi ububi bubuyele phezu kwalabo abangigconayo;
ngokuthembeka kwakho babhubhise.
Ngizakwenzela umhlatshelo owomnikelo wokuzithandela;
ngizalidumisa ibizo lakho, Thixo, ngoba lihle.
Ngoba ingikhulule kuzozonke inhlupheko zami,
lamehlo ami akubonile ukunqotshwa kwezitha zami.
Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.