AmaHubo 17

Umkhuleko kaDavida.

1Zwana, Oh Thixo, ukuncenga kwami okulungileyo;

lalela ukukhala kwami.

Zwana umkhuleko wami,

kawusuki ezindebeni ezikhohlisayo.

2Ukugezwa kwami ecaleni kakuvele kuwe;

sengathi amehlo Akho angabona lokho okuqondileyo.

3Udungulule inhliziyo yami

wangihlola ebusuku wangilinga,

kawuyikufumana lutho olubi engiluhlelileyo;

sengizimisele ukuthi umlomo wami ungenzi sono.

4Mayelana lezenzo zabantu,

mina ngizazithiba ezindleleni zobudlwangudlwangu

ngelizwi lezindebe zakho.

5Izinyathelo zami zalela ezindleleni zakho;

inyawo zami kazizange zitshelele.

6Ngikhala kuwe, Oh Nkulunkulu ngoba uzangiphendula;

ngilalela uzwe umkhuleko wami.

7Tshengisa ukumangalisa kothando lwakho olukhulu,

wena osindisa ngesandla sakho sokunene,

labo ababalekela kuwe ezitheni zabo.

8Ngilondoloza njengegugu lakho;

ngifihla emthunzini wamaphiko akho

9kwababi abangihlaselayo,

ezitheni zami ezimbi ezingihanqileyo.

10Bagcika inhliziyo zabo ezingelazwelo,

lemilomo yabo ikhuluma iqholoza.

11Sebeze bangithola, manje sebengihanqile

bangiqhuzulele amehlo bafuna ukungilahla phansi.

12Banjengesilwane silambele loba yini esingayidumela,

njengesilwane esesabekayo siquthile sicatshile.

13Phakama, Oh Thixo, basukele, balahle phansi;

ngilamulela kwababi ngenkemba yakho.

14Oh Thixo, ngisindisa ngesandla sakho ebantwini abanjalo,

ebantwini bakulumhlaba omvuzo wabo ukuyonale impilo.

Udedisa iphango lalabo obathandayo;

amadodana abo akhomba ngophakathi;

baqoqela abantwababo inotho.

15Mina-ke ngenxa yokulunga ngizabubona ubuso bakho;

ngizakuthi ekuvukeni kwami nganeliswe yikubona isimo sakho.