Biblica® IBhayibhili Elingcwele LesiNdebele Elifinyelelekayo
AmaHubo 136
Bongani uThixo, ngoba ulungile.
Uthando lwakhe lumi laphakade.
Bongani uNkulunkulu wabonkulunkulu.
Uthando lwakhe lumi laphakade.
Bongani uMbusi wababusi:
Uthando lwakhe lumi kuze kube laphakade.
Kuye yedwa owenza izimanga ezinkulu,
uthando lwakhe lumi laphakade.
Owathi ngokuzwisisa kwakhe wenza amazulu,
uthando lwakhe lumi laphakade.
Owendlala umhlaba phezu kwamanzi,
uthando lwakhe lumi laphakade.
Owenza izibane ezinkulu,
uthando lwakhe lumi laphakade.
Ilanga ukubusa emini,
uthando lwakhe lumi laphakade.
Inyanga lezinkanyezi ukubusa ebusuku,
uthando lwakhe lumi laphakade.
Kuye owatshaya walalisa amazibulo aseGibhithe,
uthando lwakhe lumi laphakade.
Wakhupha u-Israyeli phakathi kwabo,
uthando lwakhe lumi laphakade.
Ngesandla esilamandla lengalo eyeluliweyo,
uthando lwakhe lumi laphakade.
Kuye owadabula uLwandle oluBomvu lwehlukana,
uthando lwakhe lumi laphakade.
Wakhuphula u-Israyeli phakathi kwalo,
uthando lwakhe lumi laphakade.
Kodwa wakhukhulela uFaro lempi yakhe eLwandle oluBomvu,
uthando lwakhe lumi laphakade.
Wahola abantu bakhe enkangala,
uthando lwakhe lumi laphakade.
Owalahla phansi amakhosi amakhulu,
uthando lwakhe lumi laphakade.
Wabulala amakhosi esabekayo,
uthando lwakhe lumi laphakade,
uSihoni inkosi yama-Amori,
uthando lwakhe lumi laphakade,
lo-Ogi inkosi yaseBhashani,
uthando lwakhe lumi laphakade.
Wanikela amazwe abo njengelifa,
uthando lwakhe lumi laphakade.
Abayilifa encekwini yakhe u-Israyeli,
uthando lwakhe lumi laphakade.
Kuye Yedwa owasikhumbula singesibantu balutho,
uthando lwakhe lumi laphakade.
Wasikhulula ezitheni zethu,
uthando lwakhe lumi laphakade.
Njalo onika ukudla izidalwa zonke,
uthando lwakhe lumi laphakade.
Bongani uNkulunkulu wasezulwini,
uthando lwakhe lumi laphakade.
Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.