Biblica® IBhayibhili Elingcwele LesiNdebele Elifinyelelekayo
AmaHubo 122
Ingoma yemiqanso. ElikaDavida.
Ngathokoza lalabo abathi kimi,
“Kasiye endlini kaThixo.”
Inyawo zethu zimi
ngaphakathi kwamasango akho, wena Jerusalema.
IJerusalema yakhiwe njengomuzi
obambeneyo waqina.
Kulapho eziqansela khona izizwana,
izizwana zikaThixo,
ukudumisa ibizo likaThixo
njengalokho okwamiselwa u-Israyeli,
ukuba abonge ibizo likaThixo.
Kulapho okumi khona izihlalo zobukhosi ezokwahlulela,
izihlalo zobukhosi ezendlu kaDavida.
Khulekelani ukuthula kwaseJerusalema:
“Sengathi labo abakuthandayo bangaphepha.
Sengathi kungaba lokuthula ngaphakathi kwemiduli yakho
lokuvikela ngaphakathi kwezinqaba zakho.”
Ngenxa yabafowethu labangane bami,
ngizakuthi, “Ukuthula akube ngaphakathi kwakho.”
Ngenxa yendlu kaThixo uNkulunkulu wethu,
ngizakhuthaza ukuphumelela kwakho.
Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.