Biblica® IBhayibhili Elingcwele LesiNdebele Elifinyelelekayo

AmaHubo 120

Ingoma yemiqanso.

Ngiyambiza uThixo ngisosizini,

laye angiphendule.

Ngisindisa, Oh Thixo,

ezindebeni zamanga

lezindimini zenkohliso.

Uzakwenzani kuwe,

aphinde enzeni njalo,

wena limi lwenkohliso?

Uzakujezisa ngomtshoko obukhali owebutho,

ngamalahle avuthayo esihlahla.

Maye mina ngokuhlala kwami eMesheki,

ngokuthi ngihlala emathenteni aseKhedari!

Sengihlale isikhathi eside kakhulu

phakathi kwalabo abazonda ukuthula.

Ngingumuntu wokuthula;

kodwa ngithi ngingakhuluma, sebefuna impi.

Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.