UJoshuwa 19

Isabelo SikaSimiyoni

1Inkatho yesibili yawela esizwaneni sikaSimiyoni ngensendo zaso. Ilifa labo laliphakathi kwelizwe likaJuda. 2Laligoqela:

iBherishebha (noma Shebha), iMolada, 3iHazari-Shuwali, iBhala, i-Ezema, 4i-Elitholadi, iBhethuli, iHoma, 5iZikhilagi, iBhethi-Makhabhothi, iHazari-Susa, 6iBhethi-Lebhawothi leSharuheni, amadolobho alitshumi lantathu lemizana yawo;

7i-Ayini, iRimoni, i-Etheri le-Ashani, amadolobho amane lemizana yawo, 8layo yonke imizana eyakhelene lalawo madolobho kusiyafika eBhalathi-Bheri (iRama eseNegebi).

Leli kwakuyilifa lesizwana sikaSimiyoni ngensendo zaso. 9Ilifa labakoSimiyoni lathathwa kungxenye kaJuda ngenxa yokuthi isigaba sakoJuda sasisikhulu kakhulu. Ngakho abakoSimiyoni bathola ilifa labo phakathi kwelizwe lakoJuda.

Isabelo SikaZebhuluni

10Inkatho yesithathu yawela uZebhuluni lensendo zakhe:

Umngcele welifa labo wawufika eSaridi. 11Waqonda entshonalanga wadabula usiya eMarala, wathinta iDabheshethi, waqhela usiya odongeni eduze leJokhiniyamu. 12Wajikela empumalanga usuka eSaridi ukhangele empumalanga elizweni likaKhisilothi-Thabhori njalo waqhela usiya eDabherathi ukhwela usiya eJafiya. 13Waqhubeka ukhangele empumalanga usiya eGathi-Heferi le-Ethi Khazini; wathutshela eRimoni wasujikela eNeya. 14Lapho umngcele wabhoda enyakatho usiya eHanathoni wakhawula eSigodini se-Ifitha Eli.

15Kwakukhona njalo iKhathathi, iNahalali, iShimroni, i-Idala leBhethilehema. Kwakulamadolobho alitshumi lambili lemizana yawo.

16Amadolobho la lemizana yawo ayeyilifa likaZebhuluni lensendo.

Isabelo Sika-Isakhari

17Inkatho yesine yawela u-Isakhari ngensendo zakhe. 18Ilizwe labo laligoqela:

iJezerili, iKhesulothi, iShunemi, 19iHafarayimi, iShiyoni, i-Anaharathi, 20iRabhithi, iKhishiyoni, i-Ebhezi 21iRemethi, i-Eni-Ganimu, i-Eni-Hada leBhethi-Phazezi.

22Umngcele wawugudla iThabhori, iShahazuma leBhethi-Shemeshi wasukhawula eJodani.

Kwakulamadolobho alitshumi lesithupha lemizana yawo.

23Amadolobho la lemizi yawo kwakuyilifa lesizwana sika-Isakhari lensendo zakhe.

Isabelo Sika-Asheri

24Inkatho yesihlanu yawela esizwaneni sika-Asheri ngensendo zakhe. 25Ilizwe labo laligoqela:

iHelikhathi, iHali, iBhetheni, i-Akhishafi, 26i-Alameleki, i-Amadi leMishali. Entshonalanga umngcele wagudla iKhameli leShihori-Libhinathi. 27Wajikela empumalanga ukhangele eBhethi-Dagoni, ugudla iZebhuluni leSigodi se-Ifitha Eli, waqonda enyakatho usiya eBhethi-Emekhi leNeyiyeli, usedlula eKhabhuli kwesenxele. 28Waya e-Abhidoni, eRehobhi, eHamoni leKhana usiyafika eSidoni enkulu. 29Umngcele waphinda wajika ukhangele eRama wasusiya edolobheni eliyinqaba eleThire, wajika ukhangele iHosa wathutshela olwandle olusesabelweni se-Akhizibhi, 30i-Uma, i-Afekhi leRehobhi.

Kwakulamadolobho angamatshumi amabili lambili lemizana yawo.

31Amadolobho la lemizana yawo ayeyilifa lesizwana sika-Asheri lensendo zakhe.

Isabelo SikaNafithali

32Inkatho yesithupha yawela uNafithali ngensendo zakhe:

33Umgcele wasuka eHelefi kanye lesihlahla somʼOkhi eZananimi usedlula e-Adami Nekhebi leJabhiniyeli usiya eLakhumi njalo uphelela eJodani. 34Umngcele wadabula entshonalanga phakathi kwe-Azinothi-Thabhori wayaphuma ususeHukhokhi. Wagudla iZebhuluni eningizimu, i-Asheri entshonalanga kweJuda usiya empumalanga yeJodani.

35Amadolobho ayelezinqaba yiZidimu, iZeri, iHamathi, iRakhathi, iKhinerethi, 36i-Adama, iRama, iHazori, 37iKhedeshi, i-Edreyi, i-Eni-Hazo, 38iYironi, iMigidali-Eli, iHoremu, iBhethi-Anathi leBhethi-Shemeshi.

Kwakulamadolobho alitshumi lesificamunwemunye lemizana yawo.

39Amadolobho la lemizana yawo kwakuyilifa lesizwana sikaNafithali ngensendo zakhe.

Isabelo SikaDani

40Inkatho yesikhombisa yawela isizwana sikaDani ngensendo zakhe. 41Ilizwe lelifa labo laligoqela:

iZora, i-Eshithawoli, i-Iri Shemeshi, 42iShayalabhini, i-Ayijaloni, i-Ithila, 43i-Eloni, iThimina, i-Ekroni, 44i-Elithekhe, iGibhethoni, iBhalathi, 45iJehudi, iBhene-Bherakhi, iGathi-Rimoni, 46iMe-Jarikhoni leRakhoni lendawo ekhangele iJopha.

47(Kwathi abakoDani sebenqotshiwe bathathelwa ilizwe labo, basuka bayahlasela iLeshemu ngenkemba, bayithumba. Bahlala eLeshemu bayibiza ngokuthi yiDani, ibizo likakhokho wabo.)

48Amadolobho la lemizana yawo ayeyilifa lesizwe sikaDani ngensendo zakhe.

Isabelo SikaJoshuwa

49Bathi sebeqede ukwabelana umhlaba ngendlela eyayiphawulwe yinkatho, abako-Israyeli banika uJoshuwa indodana kaNuni ilifa phakathi kwabo, 50njengokulaya kukaThixo. Bamnika idolobho ayelicelile, iThimnathi-Sera elizweni lamaqaqa ko-Efrayimi. Wakha idolobho wahlala khona.

51La yiwo amazwe u-Eliyazari umphristi, uJoshuwa indodana kaNuni labakhokheli bonke lensendo zezizwana zako-Israyeli abazehlukanisela wona ngenkatho eShilo phambi kukaThixo entubeni yethente lokuhlangana. Ngakho-ke baqeda ukwaba umhlaba.