Biblica® Open Ndebele Contemporary Bible 2022
AmaHubo 121
Ingoma yemiqanso.
Ngiphakamisela amehlo ami ezintabeni
usizo lwami luvela ngaphi na?
Usizo lwami luvela kuThixo,
uMenzi wezulu lomhlaba.
Kayikuyekela unyawo lwakho lutshelela
yena okulindayo kayikuwozela;
ngempela yena olinda u-Israyeli
akayikuwozela, akayikulala.
UThixo uyakulinda
uThixo ungumthunzi wakho esandleni sakho sokunene;
ilanga kaliyikukutshisa emini noma
loba inyanga ebusuku.
UThixo uzakuvikela kuzozonke izingozi
uzalinda impilo yakho;
uThixo uzalondoloza ukufika kwakho lokusuka kwakho
manje kuze kube phakade.
Biblica® Open Ndebele Contemporary Bible 2022. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.