Biblica® Open Ndebele Contemporary Bible 2022
AmaHubo 110
ElikaDavida. Ihubo.
UThixo uthi enkosini yami:
“Hlala ngakwesokunene sami
ngize ngenze izitha zakho
zibe yisinyathelo senyawo zakho.”
UThixo uzakwelula intonga yakhe elamandla eyobukhosi kusuka eZiyoni
wena uzabusa phakathi kwezitha zakho
Amabutho akho azazinikela
mhla uphuma impi.
Wembethe ubukhosi obungcwele,
phakathi komnyama wempondozankomo
uzakwamukela amazolo obutsha bakho.
UThixo ufungile
njalo kasoze ayiguqule ingqondo yakhe:
“Wena ungumphristi kuze kube nini lanini
emkhondweni kaMelikhizedekhi.”
INkosi ikwesokunene sakho;
izawachoboza amakhosi mhla wosuku lokuthukuthela kwayo.
Izazahlulela izizwe, yenze inqwaba yabafileyo
njalo ibachoboze ababusi bomhlaba wonke.
Izanatha emfuleni oseceleni kwendlela;
ngakho-ke izaliphakamisa ikhanda layo.
Biblica® Open Ndebele Contemporary Bible 2022. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.