Ɛfɛsu

Ŋwa wù Bol gɛ̀ saŋ fɛ kintaashɛ ki

Ɛfɛsu le

Fiɛɛ fì le a Ŋwa wu Ɛfɛsu wunɛ le

Ŋwa wunɛ gɛ̀ saŋ Bol wù mwa ntuŋ wu Jiso fɛ bamii ba mbɛmɛ ba a kilaantɛŋ kì Ɛfɛsu le. Kikwɛɛ ki fiɛɛ fì le a ŋwa wunɛ le, le nseesɛ wù Nyo gɛ̀ seesɛ lɛ wu lé wu gê wu bânyɛ mwɛɛ munchii mù fɛwe bɛ mù fɛkuu wu gɛ̂ɛ a Jiso kuu. Bol le wu najɛ no fi gɛ̀ jiɛnyɛ fɛ bamii tu yi kintaashɛ le bɛ Nyo. Wu le wu dunyɛ no Nyo Tada gɛ̀ ncha bamii be, wu lɛɛshɛ bimbefɛ biboo fede yi Jiso Kletu wù Mwa ye le, bɛ no wu gɛ̀ ge njiŋɛ we yi bo le wù le Kiyo ki Yuude. Wu le wu tefɛ bamii ba wu le wu saŋ fɛ bo le lɛ bo chêe kinche kì duunyi lɛ bo le bo taashɛ wa bɛ Kletu. Bol le wu dunyɛ tɛ jé le jé le ki bege no kintaashɛ ki bamii ba mbɛmɛ le muh wu mumwaa yi Kletu le.

Bikwɛɛ bi mwɛɛ mù le a Ŋwa wunɛ le

1:1-2 Fɛŋkɛɛ

1:3–3:21 Ntaŋ wù Nyo gɛ̀ kɛme fɛ Kletu le mo fɛ kintaashɛ ki bamii ba mbɛmɛ le

4:1–6:20 Kinche ki bamii ba Kletu ba bafɛŋ

6:21-24 Kimɛsɛ