रोमीयो 9

बोगवान एने तान निवाड़ेल माणहे

1मी मसी माय खेरीच केथु, मी जुठ नाह बुलेत एने मारो मोन बी चोखाला जीवाम गोवाय दिथे 2काय माहु मोटलो दुख हे, एने मारो मोन जेलेम दुखते रीथे, 3काहाकाय मी न्या वोर होदतालो काय मारा बायाख ने केरता जा सेरीरान गेत मारा गेरल्या हेते, मी सोतास मसी रेन आलेग एय जातो। 41ता इस्राएली हेते, एने बोगवानान सोरा एणेन आदिकार एने बोड़ाय एने वायदो एने नेम एने उपासना एने उकुम तास ने हे। 52 डायडाया तास ने हेते, एने मसी बी सेरीरान गेत तास माय रेन ईनो। जो आखान उपेर जेलेम बोरकेतवालो बोगवान हे। आमेन।

6पुण ओहलो नाह काय बोगवानान वचन टेल गीयो, ज्यानकेरता काय जा इस्राएलान वोच हेते, ता आखा इस्राएली नाह; 7एने नाह अब्राहामान वोच एणेन वोजेसे आखा तान सोरा ठेराती, पुण लिखेल हे, “इसहाक सेस तारो वोच चाली।” 83मतलब सेरीरान सोरा ते बोगवानान सोरा ना सोता, पुण वायदान सोरा वोच गेणाय जातेह। 94काहाकाय वायदान वचन ज्य हे: “मी ज्‍यीस टेमी पोर आवुह, एने साराह एक बिटोख एय।”

10एने फोक्‍तो ओलोस नाह, पुण जेवी रिबीका बी एक माणुह मतलब आपणो आबोख इसहाक से पेटावाली एती, 11पुण तान एक सोराह निवाड़नो ज्य पुरी रिती से बोगवानान सोतान उद्देशान परिणाम एतो, बोगवान ताह केयो, “मोटलो आतल्यान सेवा केरी।” ज्यी वात बोगवान तान जेल्मान पेल केरनेन केरता केयो बोगवानान पोटणो तान हादावणी पोर निर्बर हे नाह काय ता काय केऱ्या ता पोर। 12तो केयो, “जेठालो बिटोख आतल्यान सेवा केरी।” 13जिहकेरीन लिखेल हे, “मी याकुबाह मोंग किऱ्यो, पुण एसावाह विण मोंगाल्लो जाण्यो।”

14तानकेरता आपु काय किज्यो? काय बोगवान अन्‍यायी हे? केदिस नाह। 15काहाकाय तो मुसाह किथे, “मी जा एगदा पोर किव केरने होदु ता पोर किव केरूह, एने जा एगदा पोर गीण केरने होदु तास पोर गीण केरूह।” 16केरीन ज्य नाहते आसा केरनारान, नाह मेहनेत केरनारा पोर पुण किव केरनार बोगवानान वात हे। 17काहाकाय पुस्तेक माय फिरोनाह कियेल, “मी तुवाह ज्यास ने केरता उबो किरेल हे काय तार माय मारी ताकेत देखाडु, एने मारा नावान पारचार आखी देरती पोर केराय जाय।” 18तानकेरता बोगवान जा पोर हुदेह ता पोर किव किरेह, एने जाह हुदेह ताह काठो केर दिथे।

बोगवानान राग एने तान किव

19पुण तुमरे माय रेन माहु इहकेरीन केय केदी ओहलो हे आमरा तेवी तु माहु किहे, “तो पोशो काहा दोस लागाड़ेह? कुण बोगवानान मोरजीन विरोद किरेह?” 20एय माणुह, तु कुण हे जो बोगवानान विरोद माय बुलेह? काय बाणायेल चिज बाणावणाराह केय सिकेह, “तु माहु ओहलो काहा बाणायेल हे?” 21काय कुमाराह माटड्या पोर आदिकार नाह काय एकास कुंडा माय रेन एक ठामलो आदर ने केरता, एने दिहराह बिगेर आदर ने केरता बाणावी?

22ते ज्या माय काल्ली बोंलाणेन वात हे काय बोगवान तान राग देखाड़ने एने तान ताकेत देखाड़नेन मोरजी से रागान ठामलान, जा खेतेमान केरता तियार केराय जायेल एता, जुलूम दिर खाईन वेठ्यो; 23एने किवान ठामला पोर, जाह तो बोड़ायीन केरता पेलुस रेन तियार किऱ्यो, तान बोड़ायीन मालदेनाह देखाड़नेन आसा किऱ्यो? 24मतलब आपुह बी, जाह तो नाह फोक्‍तो यहुदि माय रेन पुण बिगेर यहुदि माय रेन बी हादेल। 25जिहकेरीन बोगवान होशेन पुस्तेक माय बी किथे, “जा मारा माणहे नाह एता, ताह मी मारा माणहे केह; एने जा मोंगाल्ला नाह एता, ताह मोंगाल्ला केह। 26एने इहकेरीन एय काय, तुमू मारा माणहे नाह इहकेरीन जाहरी कियेल एतो ताहरी ताह जीवताला बोगवानान सोरा केवाती।”

27एने यशाया इस्राएलान बाराम आयड़ीन किथे, “केदी इस्राएल ने सोरान गेणती देरीयान रेटान बाराबोर रेय, तीबी ता माय रेन थोड़ास वोचती। 28काहाकाय मालीक तान वचन देरती पोर पुरो केरीन, देरमीपोणा से उतवाल्योच ताह सिद्द केरी।” 29जिहकेरीन यशाया पेल बी कियेल ईतो, “केदी सेनावोन मालीक आपणी केरता कायच वोच नाय सोड़तो, ताहार आपु सदोमान गेत एय जाता, एने अमोरान गेत ठेराय जाता।”

इस्राएलान बुरहो नाह

30ते ओवता आपु काय किज्यो? ज्य काय बिगेर यहुदि जा देरमीपोणान होद नाह केरताला, देरमी पोण सापड़ाया मतलब तो देरमी पोण जो बोरहा केरीन हे; 31पुण इस्राएली, जा देरमीपोणान नेमान होद केरती लेन, ता देरमीपोणान नेम वोर नाह पोचना। 32इहकेरीन काहा? काहाकाय ता बोरहा केरीन नाह, पुण कामा केरीन ताह होदेल एता। तान होदणो ओहलो एतो सोमजो तो कामा केरीन सापड़ेह। ता ठोकरान देगड़ा केरीन ठोकेर खादा, 33जिहकेरीन लिखेल हे, “दिखो, मी सियोन माय एक जेठ लागणेन दिगोड़, एने ठोकरा खाणेन दिगोड़ मेलथु, एने जो ता पोर बुरहो केरी तो लाजवाय नाय।”