Nahali Bible
मत्ती 3
बपतीस्मा केरनार योहानान पारचार
(मत्ती 1:1-8; लुका 3:1-18; योहान 1:19-28)
ता दिह्या माय बपतीस्मा केरनार योहान आवीन यहुदियान जेंगला माय ज्यो पारचार केरने बाज गीयो: 1“तुमरा पापाह सोड़ीन तुमू मोन फिरावो, काहाकाय हेरगान राज आहने आव लागेल हे!” जान बाराम यशाया जाणकार कियेल इतो, ज्यो तोस हे:2
“उजाड़ी माय एक आयेड़नारान आवाज होमलानो,
काय बोगवानान वाट तियार किरो,
एने तान सेड़ेक हुतरी किरो!”
ज्यो योहान उटड़ान रोचकान फाड़का पेर रियेल इतो, एने कोमरा माय चामड़ान पुट्टो बांद रियेल इतो। एने तान खाणो टिड्या एने जेंगली मोवाल एतो।3 तेवी यरूशलेम हियोर एने यहुदियान आखा माणहे, एने यरदन नेदीन आहने पाहने वाला आखा ईलाकान माणहे योहान फाय आवा। ता आप आपणा पापाह मानेन योहान फाय रेन यरदन नेदी माय बपतीस्मा लेदा। 4
जुलबुखे तो मोकतास फरिसी एने सदुकीह बपतीस्मा लेणेन केरता ता फाय आवताला देखीन तो केयो, “एय गेड़हान पिला, तुमूह कुण हिकाड़ देनोह काय बोगवानान उगे रेन आवणारा रागाह रेन सेटा नाहो? तानकेरता पापाम रेन मोनाह बोदलो काय हाजो फोल लावो; 5एने आप आपणा मोना माय ज्य मा सोचो काय आमरो आबोख ते अब्राहाम हे; काहाकाय मी तुमूह केथु काय बोगवान न्या देगड़ा केरीन अब्राहाम ने केरता सोरो पायदा केर सिकेह। 6एवी कुराड़ ते जाड़ान थुड़ा पोर मिलेल हे, तानकेरता जो जाड़ फोल नाह लावेत, तो काटाय एने आक्ठा माय टाकाय जाय। मी ते तुमूह पाण्या केरीन मोन बोदेलनेन बपतीस्मा केरथु, पुण जो मार पासाण आवण्यो हे, तो माहु रेन जादा ताकेतवालो हे, मी ते तान खाहड़ा विसणेन लायकीन नाह सुतो, एने तो तुमूह चोखालो जीव एने आक्ठा केरीन बपतीस्मा आपी। तान हुपड़ो तान आथाम हे, एने तान खोलाह हास केरीन साप केरी, एने गोवाह एक जागे मोटक्या माय टुलो केरी, पुण बुहटाह ता आक्ठा माय हेलगाड़ देय, जो जेलेम ओलाय नाय।”
यीशुन बपतीस्मा
(मत्ती 1:9-11; लुका 3:21-22)
तुलबुखे यीशु गेलील ने नासरत गावा माय रेन यरदन नेदीन मीरे योहान फाय आवो काय ता फाय रेन बपतीस्मा लेय। पुण योहान इही केयीन रोकणे बाज गीयो, “माहु ते तुवा फाय रेन बपतीस्मा लेणेन गिरेज हे, एने तु माहु फाय आवोह?”
यीशु ताह इही केयीन जापाप आप्यो, “एवी ओहलोच एणे दे, काहाकाय आपुह इहीचकेरीन सोब खेराय काम पुरो केरनेन हाजो हे।” तेवी योहान तिहेच केरीन किऱ्यो।
जेवी यीशु बपतीस्मा लेन पाण्या माय रेन उपेर आवो, एने दिखो, हेरोग उगड़ी गीयो, एने तो बोगवानान जीवाह पेरवान वेहा माय तान उपेर उतेरतालो दिख्यो। 7एने दिखो, हेरगा माय रेन एक आवाज आवो: ज्यो मारो मोंगाल्लो बिटोख हे, ज्या पोर मी जुलूम खुस हे।
Source notes (7)
- Cross-reference मत्ती 4:17; मरकुस 1:15
- Cross-reference यशाया 40:3
- Cross-reference 2 राजा 1:8
- Cross-reference मत्ती 12:34; 23:33
- Cross-reference योहान 8:33
- Cross-reference मत्ती 7:19
- Cross-reference मत्ती 12:18; 17:5; मरकुस 1:11; लुका 9:35
Nahali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.