Nahali Bible
निर्गमन 6
तेवी बोगवान मुसाह केयो, “एवी तु दिखहे काय मी फिरोन राजा हिऱ्यो काय केरूह एवी तु ताह दिखहे; तो मारी मोटली ताकेतीन वोजेसे काड़ देय, राजा ताह तान देसा माय रेन काड़ देय।”
बोगवानान उगे रेन मुसान हादावणी
बोगवान मुसाह केयो, “मी यहोवा हे। 2मी आखाम रेन ताकेतवाला बोगवानान नावा माय अब्राहाम, इसाहाक, एने याकुबाह देखातालो, पुण यहोवान नावा माय मी ताह देखानो नाह। एने मी ता हिऱ्यो मार वायदो पाक्को किरेल हे, मतलब कनान देस जा माय ता पारका बोणीन रेताला, तो ताह आप देव।3 इस्राएली जाह मिस्री माणहे गुलामी माय मेलतेह, तान काहणो बी होमलीन मी मारा वायदाह एर किरेल हे। केरीन इस्राएलीह के, ‘मी यहोवा हे, एने तुमूह मिस्रीन गुलामी माय रेन काडुह, एने तान पावराय माय रेन तुमूह सोड़वुह, एने मार आथ वोड़ावीन एने मोजबुत डेन्ड आपीन तुमूह सोड़वी लेह, एने मी तुमूह मारा माणहे बाणावणेन केरता लेयलेह, एने मी तुमरो बोगवान ठेराह; एने तुमू जाण लिहो काय मी तुमरो बोगवान यहोवा हे, जो तुमूह मिस्रीन गुलामी माय रेन काड़ ली आयेल। एने जा देसाह आपणेन मी अब्राहाम, इसाहाक, एने याकुब हिऱ्यो आथ ओंगाण केरीन सुगोण खायेल इतो, ताच माय मी तुमूह पोचाड़ीन ताह तुमरा आदिकार माय केर देह। मी ते बोगवान हे।’ ” ज्यु वातु मुसा इस्राएली माणहाह होमलायो; पुण ता मोनान नाराजी एने गुलामीन रागान कारेण तान नाह हुमल्यो।
तेवी बोगवान मुसाह केयो, “तु जायीन मिस्रीन राजा फिरोनाह कि काय इस्राएलीह तार देसा माय रेन निकेल जाणे दे।”
पुण मुसा बोगवानाह जापाप आप्यो, “देख, इस्राएली मारी नाह होमल्या; ओवतो फिरोन मारा बुबड्यो बोलनारान किहीक होमली?”
तेवी बोगवान मुसा एने हारूनाह इस्राएली एने मिस्र ने राजा फिरोन ने केरता उकुम आप्यो काय ता इस्राएलीह मिस्र देस माय रेन बाहेर निकाल ली जाय।
मुसा एने हारून ने वोस
तान डायलान गेराणान मुखी एदमी ज्या हेते, इस्राएल ने पेल्लो रूबेन ने बिटोख : हनोक, पल्लु, हेस्रोन एने कर्मी एता; न्यास पोर रेन रूबेन ने वोस निकलेल। 4 एने शिमोन ने बिटेख : यमुएल, यामीन, ओहाद, याकीन एने सोहर एता, एने एक कनानी बायकुन सुरो शाऊल बी इतो; न्यास पोर रेन शिमोन ने वोस निकलील। 5 लेवीन बिटेख जा माय तान वोस चालील हे, तान नावे ज्या हेते, मतलब गेर्शोन, कहात एने मरारी, एने लेवीन आखी वोय एक होव सेयतीस वोरह्या एती। गेर्शोन ने बिटेख जा माय तान वोस चालील : लिबनी एने शिमी एता। कहात ने बिटेख : अम्राम, यिसहार, हेब्रोन एने उज्जीएल एता, एने कहात ने आखी वोय एक होव तेहतीस वोरह्या एना।6 मरारीन बिटेख : महली एने मुशी एता। लेवीन वोस जा पोर रेन तान वोस चालनी ती ज्यीस हे।
अम्राम तान फुयीक योकेबेद हिऱ्यो वाराड़ किऱ्यो एने तान हारून एने मुसा पायदा एना, एने अम्राम ने आखी वोय एक होव सेयतीस वोरह्या एती। यिसहार ने बिटेख : कोरह, नेपेग एने जिक्री एता। उज्जीएल ने बिटेख : मीशाएल, एलसाफान एने सित्री एता।
हारून अम्मीनादाब ने बेटी, एने नहशोन ने बोणीख एलीशेबा हेऱ्यो वाराड़ किरेल इतो; एने तान नादाब, अबीहु, एने ईतामार एने एलीआजर पायदा एना। कोरह ने बिटेख : अस्सीर, एल्काना एने अबीआसाफ एता; एने न्यास पोर रेन कोरह ने वोस निकेलना। हारून ने सोरो एलीआजर पुतीएल ने एक बेटीख हेऱ्यो वाराड़ केर लियेल; एने ता पोर रेन पिनहास पायदा इनो। न्या पोर रेन तान वोस चालील। लेवीन डायलान गेराणान मुखी एदमी ज्यास हेते।
हारून एने मुसा ता ज्यास हेते जाह यहोवा ज्यो उकुम आपेल। “इस्राएलीह टुलो टुलो केरीन मिस्र देसा माय रेन बाहेर काड़ ली आवो।” ज्या तास मुसा एने हारून हेते जा मिस्र ने राजा फिरोनाह केयो काय आमु इस्राएली माणहाह मिस्र माय रेन काड़ ली जाहु।
मुसा एने हारूनाह बोगवान हादणे
जे दिह बोगवान मिस्र देसाम मुसाह वातु किऱ्यो। एने ताह केयो, “मी ते यहोवा हे; केरीन जो काय मी तुमूह केह तो सोब मिस्र ने राजा फिरोनाह किज्यो।”
पुण मुसा यहोवाह जापाप आप्यो, “मी ते बोलनेन बुबड्यो हे; एने फिरोन किहेक मारी होमली?”
Source notes (6)
- Cross-reference उत्पत्ती 17:1; 28:3; 35:11; निर्गमन 3:13-15
- Cross-reference निर्गमन 3:14; उत्पत्ती 4:26
- Footnote उत्पत्ती 15:18; 17:7
- Cross-reference उत्पत्ती 46:10
- Cross-reference गिनती 3:17-20; उत्पत्ती 46:8-11
- Cross-reference गिनती 26:57; 1 इतिहास 6:18
Nahali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.