निर्गमन 20

दोह उकुम

(व्यवस्था 5:1-21)

1तेवी बोगवान ज्यो सोब वचन केयो, 2“मी तार बोगवान हे, जो तुवाह गुलामीन गेराम रेन मतलब मिस्र माय रेन काड़ लायेल हे।

3“तु माहु सोड़ीन दिहराह बोगवान केरीन मा मानहे। 41

“तु सोतान केरता काल्ली बी मुरती मा बाणावहे, नाह कुणीन गेत बाणावहे, जो जुगाम एने देरती पोर एने देरतीन पाण्याम हे। 52 तु ताह वोंदहे मा, एने तान बोक्ती मा किरहे; काहाकाय मी तार बोगवान यहोवा कुयराय केरनार बोगवान हे, एने जा मार हेऱ्या दुसमोनाय केरतेह, तान सोरा, नातण्याक, एने पेल्ला नातण्याक बी डायलान डेन्ड आपणे। 6पुण जा माहु मोंग केरतेह एने मारी उकुमान पालेन केरतेह, एने ता एजार पिढ़ी3 पोर मी गीण केरने।4

7“तु तारा बोगवानान नाव उदेड़ मा लिहे; काहाकाय जो यहोवान नाव उदेड़ लेय, तो ताह गुनेगार नाय ठेराय।

8“तु आराम ने दिह्याह चोखालो मान्नेन केरता एर मिलजी।5 9एने सोव दिह वोर ते तु मेहनेत केरीन तारो आखो काम किरजी;6 10पुण सातवो दिह तार बोगवान यहोवान केरता आराम ने दिह हे। केरीन तु ता माय काल्लोस काम मा किरहे नाहते तार सुरो, नाह तार सोरी, नाह तार पावोर नाह तार पावेरनी, नाह तार जेनवारे, नाह दिहरा देसावालो जो तार देसाम रेतेय।7 11काहाकाय सोव दिह्याम यहोवा जुग एने देरती, देरीयो एने जो बी ता माय हे, आखो बाणायेल, एने सात दिह्या पोर आराम किरेल; केरीन यहोवा आराम दिह्याह बोरकेत आपीन ताह चोखालो ठेरायेल।8

12“तु तार आबाख एने आईख ने मान मिलजी, तेवी जो देस तार बोगवान यहोवा तुवाह आपण्यो हे, ता माय तु जुलूम दिह वोर जिवतालो एने बोणीन रिहे।9

13“तु खुन मा किरहे।

14“तु सिनालो मा किरहे।

15“तु चोरी मा किरहे।10

16“तु कुणीन उगे रेन जुठी गोवाय मा किहे।

17“तु कुण गेरान लालेच मा किरहे; नाहते कुणीन बायकुन लालेच किरहे, एने नाहते कुणीन पावोर पावेरनीन, नाहते बुयेल गेदड़ान, नाहते कुणीन वोस्तुन लालेच किरहे।”11

माणहान बिणो

18जेवी आखा माणहे वादेल गाजणे एने बिरान आवाज होमलीन, एने दुवाड़ो उड़तालो बोयड़ान उगे देख्या, एने देखीन कापताला एने सेटाच उब रेय गीया;12 19एने ता मुसाह केणे बाज गीया, “एवी तुस आमु हिऱ्यो वातु केर, तेवी आमु होमेलहू, पुण बोगवान आमु हिऱ्यो वातु नाय केरने जुवी; ओहलो नाय एय काय आमु मोर जाहु।”13

20तेवी मुसा ताह केयो, “बिवो मा; काहाकाय बोगवान ज्यानकेरता आयेल हे काय तुमूह पारखी, एने तान बिय तुमरा मोनाम बोणीन रेय, काय तुमू पाप नाय केरने जुवी।” 21पुण ता माणहे सेटाच उब रेना, एने मुसा ता आंदादुद आंदारा माय गीयो, जाहरी बोगवान इतो।

वेदीन बाराम नियम

22तेवी यहोवा मुसाह केयो, “तु इस्राएली माणहाह मार ज्य वचन केय होमलाव, तुमू सोतास दिखेल हेते काय मी जुगाम रेन तुमू हिऱ्यो वातु किरेल हे। 23माहु सोड़ीन तुमू बोक्ती केरनेन केरता एगदी होना चांदीन मुरती मा बाणावहो। 24एने मार केरता माटड्यान एक वेदी बाणावज्यो, एने तुमरा मेंड्रा बोकड्या एने गाय बोयलान होमबोली एने मेल मिलाप बोली ता पोर चेड़ावज्यो। आखी जागे जाहरी मार नावान एर केरावुह, ता ता मी आवीन तुमूह बोरकेत आपुह। 25एने केदी तुमू मार केरता देगड़ान वेदी बाणावहो, ताहार गिड़ेल देगड़ा केरीन मा बाणावहो; काहाकाय जाहरी तुमू ता पोर आथ लागाड़हो, ताहरी तुमू ताह एठो केर दिहो।14 26एने मार केरता निहणावाली वेदी मा बाणावहे, ओहलो नाय एय काय तार नांगोरलो पोण देखाय।”