Nahali Bible
निर्गमन 2
मुसान जेल्मो
लेवीन गेराणान एक एदमी एक लेवी वोस ने बायकु हिऱ्यो वाराड़ किऱ्यो। 1ती बायकु पेट रेनो एने तीन एक सोरो पायदा इनो; एने ज्य देखीन काय ज्य सोरो हाजो हे, केरीन ती ताह तीन मोयना वोर लिकाड़ मेली। एने जेवी ती ताह होवटा दिह वोर लिकाड़ नाह सेक्यी, ते तान केरता दुंगलान एक टोपली बाणावीन ता पोर बाहेर रेन मेण लागाड़ी, एने ता माय सोराह मेलीन निल नेदीन मीरे खेड़ान विच माय सोड़ आवी। ता सोरान बोणीख सेटीच उबरीन देख रियेल एती काय ता हेऱ्यो काय इथे।
तेवी फिरोन ने सोरी उंगेलने नेदीन मीरे आवी; एने तीन पावेरन्यु हेऱ्यी नेदीन दिड़े दिड़े फिरने बाज गीयी; तेवी ती खेड़ान विच माय टोपली देखीन तीन पावेरनीह तो लेन आवणेन केरता मोकल्यी। तेवी ती टोपली सोड़ीन देख्यी ती माय एक रेड़तालो सोरो हे; तेवी तीह किव आवी एने ती केयी, “ज्यो ते एगदा इब्रीन सोरो एय।”
तेवी सोरान बोणीख फिरोन ने बेटीख केयी, “काय मी जायीन इब्री बायकु माय रेन एगदीह तार फाय हाद लावु? जी तार केरता सोराह दुद पिवाड्या केरी।”
फिरोन ने सोरी केयी, “जा!” तेवी ती जायीन ता सोरान आईख हाद लावी। फिरोन ने सोरी तीह केयी, “तु ज्या सोराह ली जायीन मार केरता दुद पिवाड्या केर, एने मी तुवाह मोंजरी आपुह।” तेवी ती बायकु ता सोराह ली जायीन दुद पिवाड़ने बाज गियी। 2जेवी सोरो मोठो एय गीयो, तेवी ती ताह फिरोन ने बेटीख फाय ली आवी, एने तो तीन बिटोख ठेरानो; एने ती ज्यो किन तान नाव मुसा मेल्यी, “मी ज्याह पाण्याम रेन काड़ील एती।”
मुसा मिद्यान देस माय नाह जाणे
जेवी मुसा जुवान इनो, तेवी ता दिह्या माय तो बाहेर तान बाय बोणहा फाय गीयो, एने तान दुखा पोर नेजेर टाकणे बाज गीयो; तेवी तो दिख्यो काय एक मिस्री माणुह मार एक इब्री बायाख देणे बाज रिनोह। जेवी तो कावदेन दिख्यो काय कुण नाह सोतो, तेवी ता मिस्रीह मार टाक्यो एने रेटाम लिकाड़ दिनो। पुशो दिहरे दिह बाहेर जायीन मुसा दिख्यो काय दुय इब्री एदमी एका दिहरा हेऱ्या लेड़ाणे बाज रेनाह; तो दोसीह केयो, “तु आपणा बायाख काहा दिथे?”
तेवी तो एदमी केयो, “कुण तुवाह आमु पोर आदिकारी एने नियाव केरनार ठेरायेल हे? काय जीह केरीन तु मिस्री माणहाह मारेल हे, तिहेच केरीन तु माहु बी मारने हुदेह?” तेवी मुसा ज्य सोचीन बिय गीयो, “खेरीस ज्यी वात पोसरी जायेल हे।” 4जेवी फिरोन ज्यी वात हुमल्यो तेवी मुसाह मार टाकणेन विचार किऱ्यो। पुण मुसा फिरोन ने ओंगाण रेन नाह गीयो, एने मिद्यान देसा माय जायीन रेणे बाज गीयो; एने तो ता एक वावड़ीन आहनी बोह गीयो। मिद्यान ने चाकऱ्यान सात सोऱ्यु एत्यु; एने त्यु ता जायीन पाणी बोरने बाज गीयो काय साटड़ा माय पाणी बोरीन त्युन आबाख ने मेंड्रा बोकड्याह पिवाड़ी। पुण ताहरीक दिहरा गोवाले आवीन त्युह सेट्यु केरने बाज गीया; तेवी मुसा उबरीन त्युन मुदेक किऱ्यो, एने मेंड्रा बोकड्याह पाणी पिवाड्यो। जेवी त्यु आपणा आबाख रूएल फाय पोशु आव लाग्यु, तेवी तो त्युह फुशो, “काय कारेण हे काय तुमू आज ओली जेल्दी गेर आव लाग्युह?”
त्यु केयु, “एक मिस्री एदमी आमुह गोवालान आथा माय रेन सोड़ एने आमरी केरता पाणी बोरीन मेंड्रा बोकड्याह पिवाड़ेल।”
तेवी तो तान सोऱ्यीह फुशो, “तो एदमी का हे? तुमू ताह काहा टाक दिन आव्युह? ताह हादिन ली आवो काय तो खाणो खाय।”
एने मुसा ता एदम्या हिऱ्यो रेणेन केरता खुस इनो; तो ताह तान बेटीख सिप्पोराह वाराड़ केरीन आप दिनो। एने तान एक सोरो पायदा एनो, तेवी मुसा ज्या किन, “मी दिहरा देसा माय पारायो हे,” तान नाव गेर्शोम मिल्यो।
मोकतास दिह जाणेन पासाण मिस्र ने राजा मोर गीयो। एने इस्राएली काठाली सेवान कारेण लांब-लांबो दोम लेन काहणे बाज गीया, एने आयेड़ने बाज रियेल एता, एने ताह आयड्यो जा काठाली सेवान कारेण रेनी ती बोगवाना फाय वोर पोचनी। 5 एने बोगवान तान काहणो होमलीन तान वायदाह, जो तो अब्राहाम, एने इसहाक, एने याकुब हेऱ्यो बांदिल इतो, एर किऱ्यो। एने बोगवान इस्राएल माणहाह पोर नेजेर टाकीन ता पोर द्यान लागाड्यो।
Source notes (5)
- Cross-reference प्रेरितान काम 7:20; इब्रानियो 11:23
- Cross-reference प्रेरितान काम 7:21
- Cross-reference इब्रानियो 11:24; प्रेरितान काम 7:23-28
- Cross-reference प्रेरितान काम 7:29; इब्रानियो 11:27
- Cross-reference उत्पत्ती 15:13-14
Nahali Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.