Solomon Lei 7

Mipei be mipui dage rang kebam

1N picumdung ga n pi daikenzwa ge de ngau hezuyi no, hegwangpei napoe!

N mniepum kengkoi kena de au jeweldung nzwa da,

heciemta tei kecime tah nzwa da.

2N nla au hekwak kenggwa ge nzwa da;

peu cide ga madaude zau tei ncüt kelu cam nrum diso.

N za au wheat meikwa ge

teizuine padung le twagwa kebam nzwa da.

3N tung kena de au hetina kena nzwa da,

helung nedui kena ge.

4N ngwang au hepwangeu le tei kelu renei ge nzwa da;

n miak kena de au Heshbon ga kebam rejaai nzwa da

Bath Rabbim kirie taiga kebam.

N ngkie au Lebanon hapia

Damascus lebie pie kebam de nzwa da.

5N peu au Carmel nzwa da;

n peutam au gieremang ketiak ge.

Hegwangpei de cide kangpwakelu dene tuibang pwa bam.

6Daikenzwa ge hezuyi nah daikenzwa ge heguipung no,

a kubepoe, misui herwa süt kecuge lie!

7Nang au palm bang ra tie ge nzwa da,

nah n tung kena au matsi peudung ge nzwa da.

8Ih ranggai, “Ih cipau palm bang dega nra neu;

Ih pe kiakdung kerak gai zie.”

N tung kena de peu kubetsidung peu nzwa lulo,

nah ncui rim de peu tampaktsi rim nzwa lulo.

9N mui de peu zau yitube nzwa lulo,

a kubepui ziemne lwa sünne eh,

ziep kebamme muileu gade lwa mie eh.

Mipui be mipei dage rang kebam

10Ih au a kubepei gu,

nah pa acu hengim bam.

11Gwanglu, a kubepei, deudikungga pet golie;

kilwadung ga pe zeuziu bam golie

12Tingcang cuh zi lwe kubeluhdung ga mie golie;

kubebang penei keheci bwa mi bwapet mebi kecu,

pe padung pa di demi de kecu,

nah kuraletsi bangdung pa au demi de kecu pie gai golie.

Cika Ih ncu a keku peugai zie.

13Mandrake bang perim kehengui nnamlu zie;

anai kebam kikam be ga matsi keyi ketsamtsam, keheci nah kehegwa pelane bam,

Ih n ziemne hekwa pwa kebam de, a kubepoi.