Solomon Lei 1

Solomon Leidung

1Leidung kak gade lei yitubedung, Solomon gu leidung.1

Mipui be pekatei pecu rang kebam

2Oh, pe mui kehemamdung le pwa acu hemam gailo,

Mipuibe mipei dage rang kebam

n keku au zau swa yiki.

3N keheniak ca perim kehengui keyi bam;

n zi au lwabam kela marim kehengui nzwa,

cine releime ncu mrai bam.

4Nang acu ngngwa lu, delwe anai ngngwa pak dizie.

Mipui be pekatei pecu rang kebam

Hegwangpei acu pe bungdung ga ngngwa gwanglu.

Mipui be mipei dage rang kebam

Anai suiyi eh bam; n ziemne anai suiyi bam;

anai n keku dele renga gai go; cide au zau swa yiki.

Mipui kedadung ncu penui sui kera cide au pezai da.

Mipui be mipui kedadung dage rang kebam

5Ih au remang dede hezuyi,

nnui Jerusalem napuimedung,

Kedar paikidung nzwa remang,

Solomon kehezu paidung nzwa hezuyi.

6Ih remang kecune acu pieling eh bam so,

kedanemene tingnaimiak ne acu pu di delu.

A pui napeimedung acu penui rata di;

penui acu kubeluhdung ga peu kekwabe tei,

dede a katei a kubeluh be pielu tadi.

Mipui be mipei dage rang kebam

7Acu ranglia lo, a kubepei,

n kauhau de peu daigade matyei lano?

N kauhau de tingna tingding dau daiga peu mtak lano?

Daitei Ih mige

n zangmedung kauhau taigai hui pwa la kecume ge nzwa laino?

Mipei be mipui dage rang kebam

8Mipuime kakgade hezu yitube pui, nang ci mecai,

a kauhaudung cai pwalu,

nah n meudung de meurünkekwame paikidung taiga peu cehei peei tyeilu.

9Ih ncu keu keda gai, a mraipui,

Pharaoh bagi kwendung kakga hekwenpui ge da.2

10N biadung hezukeyi netdung de ziemne ngau yisüt,

nah n nggwang jewel3 riadung nzu mie kebam.

11N ziemne kecak hezukeyi netdung teibeu zie

rangkanggeu netdung de si eh.

Mipui be pekatei pecu rang kebam

12Hegwangpei pe zeu ga zeu kebam dau,

a rim kehengui ca gade perim keyi mpet.

13A kubepei au a ziemne myrrh dum ge nzwa

tingmui a hekakrak reuga zeu kebam.

14A kubepei au mapadung peu hena nzwa da

En Gedi kubeluhdung ga kebamdung de nzwa.

Mipei be mipui dage rang kebam

15Kingneilu, nang au hezuyi, a kubepoi;

kingneilu, nang au hezuyi;

n miakdung au tamhaudung nzwa.

Mipui be mipei dage rang kebam

16Kingneilu, nang au hezuyi, a kubepei, daikenzwa gede hezuyi no.

Cehei kerenudung de anai zeu da.

17Anai ki hesumdung au cedardung;

anai gu kipaikang au firdung.