Ruth

Ruth

Ruth laisiukwak

Mraisam

Laisiukwak aide ga raupwa kela mina kenlangbe zi teu eh raulu. Cide David hegwangpei tingdau raukelu nzwa, pe kiria pedum kekam lebie ngau kelu ndaa pe pau Boaz, Ruth de pe nau kelube pei de.

Ruth au Israelme kelak ge Canaan ga herakum dau Moab gage tetgai kedi ha raugai. Pe nahpei nah pe napei kena tsaidi, pe pui Naomi de püt zeu di eh pe na nau kenade Orpah nah Ruth de si eh. Naomi au Israel ga cailigwang di kera cetlu nah Ruth de pecu ngngwa cailigwang kera neubi di. Israel ga cailigwang luge, penai kibaume pei Boaz dade kengha kie Ruth kekamle Boaz naudi. Penui kelak gade hegwangpei David nah Messiah, Jisu Khrista gwanglu.

Laisiukwak aide keku nah kelungsang ha ledeu sütgai. Cide Tinggwang au anui tingba ramsang teu maikesia lungnei kebam nah pa au anuide kelikelu ciem riem kebam ledeu beu.

Pelung ga keladung

Naomi Israel gade tetkedi nah cailikegwang (1:1-22)

Ruth de ngngwa kelu (2:1-3:18)

Boaz nah Ruth (4:1-22)