Leidung 92

N batadung daidi dino

Lei ge, Sabbath benai ziemne lei ge.

1RAMPAUBE de teikeherei delie cide makeyi ge lie

nah ketwalei teipwa n zi gage kekai, Hutube Tinggwang,

2tingcang n samsang samkak de ranglia

nah n kesamsang de tingmui ramsang,

3leibung peria kereidung de si

nah lyre siu keyi kwa.

4N ziemne RAMPAUBO, n batadung teipwa kegai gade a sui yilu.

A suiyi ziemne Ih lei teizie kedanemene n batadung ziemne.

5N batadung daikenzwa gede dibi, RAMPAUBO!

N kecet au cokzu lie.1

6Heramieme ge cila ma,

mede kemangme ge aide cet gailak:

7Kenlienme cehei nzwa pwakcuh kecudau,

nah kesia bata teikela pelane lungh yi keludau liede,

iciu liede penuide au kelung tane ngkap dizie.

8Dede nang, RAMPAUBO, kelungtane hegwang teizie.

9Kesang, N ngauraumedung de pie gailo, RAMPAUBO!

Kesang, N ngauraumedung de pie gailo. Penui kap dizielu!

Kemau ta teikela pelane depeu zangra dizie.

10Nang a kii2 pwa nghang hetumseu kekuube kii nzwa beuda;

maca keheci pwa acu keniak beuda.

11A ngauraumedung kaumie kedi a miakle ngauda;

a ngaurau medung kapdi kera a kwen le siuda.

12Kesamsangme palm bang nzwa lungh yi luzie;

penui Lebanon ga cedar nzwa lunghcuh luzie.

13Penui de RAMPAUBE ki gage linggai;

penui anui Tinggwang ki kigu gade lungh yi cuh lula:

14Penui kecing dilu liede penui tsi builu;

penui mdiak nah ringrak eh bam lula,

15RAMPAUBE au nzui lie kecude keulia gai.

Pa au a tsura, nah cika samsang kemak pe da lama.