Leidung 88

Ih tingmui tingba n dwaga sah bam

Lei ge, Korah napeidung gu lei ge; Lei kempwakme muiteube ziemne; Mahalath Leannoth ciem gage telei gailu. Ezrame Heman gu Maschil ge.

1RAMPAUBE, a kelikelube Tinggwang,

Ih n dwaga tingmui tingba happet gaila.

2A kekie kingnei lo;

a hap de heling sünne gaibeu lo.

3Kedanemene Ih au kehereidung ne kepui teibam,

nah a teilung ketsaime deu ga gwang cang dida.

4Mina acu hekwaki ga nghungdi kelame nzwa tei gaila.

Ih au mina kengkieng kegame ge.

5Ketsaime kakga ge acu gi dida;

Ih au ketsaime ge herau ga zeu kebam nzwa da,

migede nsung ta dida

kedanemene penui au nha cang gai lak delu

6Nang acu hekwaki henatu sau gage kaigai,

kemuibe nah kecok bamdung ga.

7N lunghop a reuga rützu di,

nah n cuidung pelane a reuga kaugai. Selah

8N ziemne, a zangme acu mlai dida.

Nang acu penui miakngau gade miswakegah ge tei dida.

Ih au pelung ga nam pwabam dida nah Ih pak gailak dida.1

9Keherei ziemne a miak mnei reureu dida;

Tingbazie pelane Ih ncu qu pet gai, RAMPAUBO;

Ih n dage a ba nzang pet gaila.

10Nang ketsaime ziemne miswakegahdung tei zieni?

Tsai kedime cuh eh ncu twa zieni? Selah

11N samkakkelu samsang de herau gade rang lani,

n lungsang ha de ngkapdi kela ni gade rangla ni?

12Kemui gade n tadung miswakegah de,

mede nsungta kedi bam gade n masang de cilu zieni?

13Dede Ih n dage hapgai, RAMPAUBO;

tingcang a kekie n dwaga gwangla.

14RAMPAUBO, nang daitei eh acu mlai dino?

Daitei eh nang a dade n zu kebai dino?

15Ih au kebamtane keherei bam nah a henane gade tsai dilu nage eh lala.

N kengngidung gade Ih keherei dida; Ih au keregui gah da.

16N rata zairelidung a reuga kah gwang,

nah n tadung ngaukehing ne acu ngkap dida.

17Tingbazie pelane penui acu dui kedi nzwa twagwa bam;

penui pelane acu twagwapung bam.

18Nang a dade zangname nah kangngwame leune de keugi dida.

Kemuibe rünne a kangngwa dida.