Leidung 70

O RAMPAUBO, ridi helo

Kenlang leibungkekwame ziemne; David gu lei ge; nsung bamlu kerane.

1Acu kelibeulo, Tinggwang!

RAMPAUBO, zette gwang eh acu ngha lo.

2A teilung keuteu pwadi kera tei kebamme peu

ngngam nah tei hengam teigai;

peu penuide nreu cailigwang nah rütkemak ga ngngwa gai,

Ih keherei kecu ga penui suiyi kelame de.1

3Ngauraume ngngam de ziemne peu penuide nreu cailigwanglu,

caugame rang eh, “Aha, aha.”

4Ncu peei kela leune depeu renga nah penui suiyi lu;

n kelikelu de hung kelame de peu rangbam muilu,

“Tinggwang da peu hetwa bamlu.”

5Dede Ih au magah nah nnei bam;

ada kelwa gwanglu, Tinggwang;

nang a kengha nah nang acu kelibeu.

RAMPAUBO, acu ngha kera ri diso.