Leidung 61

Tsura gage acu sau gailo

Kenlang leibungkekwame ziemne; peria ketei leibung ge ga. David gu lei ge.

1Siulo Ih hap kegaide, Oh Tinggwang;

a kekie kingneilo.

2Hangdeu penli gade Ih ncu qu zie a nlung pang kedidau;

aswa de kehu tangtsu gage acu ngngwa mie gailo.

3Kedanemene nang aziemne au msiu ge kecune,

ngauraume dade kengkieng tsukwa1 ge.

4N paiki ga acu peu kelungta lungh lo!

N hesiudung kangga acu peu msiu lo. Selah

5Kedanemene nang, Tinggwang, a sampetdung siu luda,

n zi de herüt peu kelame qwa nang acu mapwa peuda.

6Hegwangpei teilung nang teintie beuzie;

pe mmi ceheudung kekieege nzwa zie.

7Pa Tinggwang dwaga kelungta bam dizie.2

8Ih lei tei n zi twa lamui zie

ciu eh Ih a sampetdung de tingba ramsangne teilu kerane.